Dom Basilio: Igreja Garantia Dialogu Sei Hetan Solusaun

Dom Basilio: Igreja Garantia Dialogu Sei Hetan Solusaun

- in Nasional
1134
0
dom-basilio1-615x347

DILI-Bispo Deocese Baucau Dom Basilio do Nacimento hateten nia parte fiar garantia katak Dialogu neebe maka dadaun nee husi parte Prezidente Republika Francisco Guterres Lú Olo  inisia, atu tur hamutuk ho lider nain tolu hanesan Mari Alkatiri, Xanana Gusmao no Taur Matan  Ruak, sei hetan solusaun hodi solusiona polemika politika neebe dadaun nee lao iha Timor-Leste.

Tuir D. Basilio katak bainhira iha tempu atu halo dialogu nee ema hotu basa liman signifika katak liu husi dialogu buat hotu bele silusiona, liu hosi fo solusaun ba malu.

Ita ema nee ema dala ruma ibun lais liu dala ruma lian lalais makas liu mais depois sei hetan tempu tur hamutuk hodi solusiona ba kestaun sira nee,” dehan D. Basilio ba jornalista sira hafoin remata enkontru ho Xefe Estadu Francisco Guterres Lú Olo, iha palasiu Prezidensial Nicolau Lobato Bairru Pite, Sesta (10/11/2017.

Nia dehan husi parte igreja rasik sei lapartisipa direita iha dialogu nee maibe iha esperansa buat hotu neebe lao dadaun nee sei hetan solusaun, bainhira ema tur hamutuk hodi koalia.

Nia dehan Prezidente Republika konvida sira hodi koalia kona ba saida maka Prezidente Republika fo sai ona, liu-liu koalia situasaun neebe maka dadaun mosu no Prezidente Republika rasik lakonsege ultrapassa, tamba nee Prezidente hakarak rona ema hotu nian ideia.

Iha fatin hanesan Prezidente Republika Francisco Guterres Lú Olo hateten, nia parte konvida bispu nian tolu mai palasiu prezidente objetivu atu fo hanoin ba iha situasaun sira neebe maka lao dadaun no povu sai preukupa ba kestaun nee. Natalino Costa

 

Facebook Comments

Leave a Reply

Your email address will not be published. Required fields are marked *