DIT Servisu Ba Kualidade, Laos Ba Number One

DIT Servisu Ba Kualidade, Laos Ba Number One

- in Nasional
88
0
iniverdadue

DILI- Dili Institute Of Technology (DIT), halao misa agradesementu ba seremonia graduasaun ba dala X, neebe sei halao iha loron Kinta (29/11/2018), tanba nee, DIT sei servisu ba kualidade, laos servisu ba iha number one.

Misa agredesementu ba seremonia graduasaun DIT ba dala X nee, prezide husi padre, Ruben  Martins, Op, no hetan partisipasaun Reitor DIT, Alvaro Menezes Amaral, PhD, kargu xefia balun iha DIT, dosente, estudante finalista, no familia graduadus sira.

Hafoin partisipa iha misa agradesementu, ba STL Reitor DIT, Alvaro Menezes Amaral, PhD, hatete, DIT sempre fiar aan, no sira la servisu ba iha number one, miabe servisu iha kualidade, oinsa atu prepara joven sira, atu nunee, joven sira bele iha kompetetividade, ho traballador neebe mai husi rai liur.

Hau hanoin, agora dadaun DIT sempre ajusta nia aan, tuir  mudansa industria, nomos mudansa  teknolojia, hanesan ita hatene, agora tama ona faze industria dala hat, siqnifika katak, ba oin, liu-liu teknik produsaun, nee otomazizasaun, robotika, nano teknolojia, sira nee, teknolojia neebe  iha tinan barak nian laran, introdus hotu iha area industria, entaun oinsa ita prepara ita nian estudante sira, para bele tuir duni nesesidade, neebe industry no teknolojia ezije ba prosesu aprendizajen, tenke lao ba oin. DIT sei tau atensaun ba ida nee,” hatete Reitor DIT Alvaro ba STL iha knua DIT Aumutin, Dili Tersa (27/11/2018).

Iha fatin hanesan, Pe. Ruben Martins, Op, hatete, hakarak halao tuir dosente sira nian hanorin, bele aprende barak ih DIT,tinan hat nian laran, buat barak diak, maibe  iha diabu , hakarak hasai buat neebe diak, aprende iha DIT, fini no maromak nian liafuan neebe hanorin.

Nunee mos Atanasio Isaac, hanesan finalista, fakuldade civil engenaria, hatete, senti kontenti, no orgullu boot ba nnia familia, neebe mak durante nee, suporta ona ninia estudu, hodi bele ohin partisipa iha  misa agradesementu ba sira nian seremonia  graduasaun ba dala  X iha  DIT. Notisia kompletu lee iha Jornal STL edisaun Kinta (29/11/2018). Jacinta Sequeira

 

Facebook Comments

Leave a Reply

Your email address will not be published. Required fields are marked *