DIT Oecusse Produs Ona Rekursu 440

DIT Oecusse Produs Ona Rekursu 440

- in Distritu
5981
0
DIT Graduasaun

AMBENO-Direktur DITKREO Lamberto Salu hateten, maske hasoru dezafius barak tanba sei menus fasilidade, maibe DITKREO produs ona rekursu humanus nain 440. Komesa tinan 2009 too 2017, DITKREO sempre iha graduadus. Atu hasae kualidade hanorin iha DITKREO, sira sempre buka dezenvolve no maneja didiak rekursu neebe iha, hodi atende estudante sira nia nesesidade. Iha tinan 2016 DIT konklui mos DITKREO hetan ona akreditasaun ho valor 100% (A).

Iha sorin seluk Reitor DIT sentral Alvaro Menezes Amaral hatoo dezenvolvimentu DIT. Primeiru maka, leno an ba vizaun, misaun no planu estratejiku DIT nian.

DIT kontinua hadia no redezenho kurikulum nunee reprezenta duni DIT nian kompetensia principal hodi marka diferensia iha kompetensia. Segundu maka rekursu pesoal. Agora dadaun DIT iha dosente permanente hamutuk nain 130.

Husi nain 130 nee, hot-hotu mastradu kandidatu Phd no Phd. Terseiru, fasilidade atu prosesu aprendisajen lao ho diak. DIT mos investe makaas ba iha fasilidade fiziku hanesan sala de aulas, laboratoriu, no biblioteka. Kuarto mak desde 2013 DIT hahu tia ona introdus lingua ingles nudar lingua intrusaun iha prosesu aprendisajen DIT nian liu husi eskola superior turismo no kontinua ho eskola superior siensia enjinaria.

Ho sira nia esforsu, komesa tinan oin lingua Ingles sei introdus tomak ba iha programa estudus hot-hotu DIT nian. Ida nee esforsu makaas husi Professor Catharina Van Klinken no funsinario sentru lingua. Atu garantia pontus 4 nee bele sinerjia ho diak, DIT iha unidade suporta neebe servisu ho efisiente no efikas no dizitalizasaun sistema informasaun akademiku, sistema informasaun finansas neebe integra iha sistema informasaun ezekutivu DIT nian ho nunee DIT fiar an nafatin atu hateke ba futuru.

Iha biban hanesan, reprezentante inan aman Costancio Suni hateten, DIT hahu ho buat ida laiha maibe oras nee produs ona rekursu barak sei iha mumentu neba DIT la mosu iha oecusse, rekursu iha Oecusse sei marka pasu nafatin.

“Hau fiar prezensa DIT iha Oecusse atu tulun komunidade Oecusse tomak. Hau garante tinan 5 oin mai, alumni DITKREO mak sei kaer Oecusse. I realidade hatudu ona katak, dadaun nee finalista balu sai ona direktur xefe departementu, balu deputadu no mos balu ministru, ida nee pasu positivu ida husi knua DIT oecusse katak DIT produs ema atu servi ba estadu no sosiedade,” nia dehan. Abilio Elo Nini

 

 

Facebook Comments

Leave a Reply

Your email address will not be published. Required fields are marked *