Diskuti Malu Tan Oan, Fen Lori Tudik Sona Laen

Diskuti Malu Tan Oan, Fen Lori Tudik Sona Laen

- in Krime
111
0

Dili-Tribunal iha loron Tersa, (19/03/2019) julga Lezada ho inisial MJ tenke hatan iha tribunal, tanba lori tudik koa modo sona nia laen lezadu ho inisial SD.

Tuir akuzasaun husi Ministeriu Publiku neebe tribunal lee sai katak, iha loron 31 fulan Dezembro 2016, iha Gleno Ermera lezada ho nia oan iha hela dapur.

Lezada hare ba arguida rasta hela sira nain rua nia oan, tanba nee lezadu hase ba arguida katak, hare koidadu labarik labele rasta hanesan nee.

Iha momentu neeba mosu diskusaun, tanba nee lezadu nervoju hodi basa arguida. Tanba nee halo arguida mos nervoju, foti tudik sona ba iha lezadu nia kabun, halo lezadu monu kedan ba rai.

Arguida hanesan autor material ba krime violensia domestika ho forma ofesan integridade fisika grave.

Hatan ba faktus nee, arguida deklara katak balu loos no balu lalos.

Laos hau maka lori tudik sona arguidu, maibe arguidu halai mai atu tebe hau maka tudik neebe hau kaer iha hau nia liman, konaba arguidu nia kabun. Arguidu basa no lori ai baku tiha hau, maka nia foin mai atu tebe tan hau, ”deklara arguida iha sala julgamentu TDD.

Arguida deklara tan, momentu neeba arguidu la rasta nia oan iha rai, maibe arguida fase hela modo labarik monu tanis, maka lezadu dehan fali arguida maka baku nee.

Iha fatin hanesan, lezadu haforsa tan akuzasaun neebe iha katak, lezadu hirus arguida tanba halo nia oan tanis, no mos rasta nia oan.

Lezadu deklara tan, lezadu kous nia oan tur hela, maka arguida lori tudik sona iha lezadu nia kabun, hafoin bokon maka lezadu hakfodak mai, hare raan tiha ona.

Rona tiha husi parte rua, tribunal adia hikas ba loron seluk, hodi rona sasin sira.

Audensia julgamentu nee, prezide husi juis kolektivu Edite Palmira, Sribuana da Costa, juis estajiadus ida, MP reprezenta husi prokurador Ozorio De Deus, arguida hetan asistensia legal husi Defensor Publiku. Notisia kompletu lee iha jornal STL edisaun Kuarta  (20/03/2019). Terezinha De Deus

Komentariu

Facebook Comments

Leave a Reply

Your email address will not be published. Required fields are marked *