Diskusaun Osan Falsu Lapertinente

Diskusaun Osan Falsu Lapertinente

- in Krime, Politics
253
0
b7fc0ac3c01e4d818ffd5c1e9462dc9d_XL-660x330

Editora: Carme Ximenes

DILI – Bankada Parlamentar FRETILIN no PLP konsidera  debate urjente ho Ministru Defeza no Ministru Interinu Interior kona ba osan falsu neebe viral iha Facebook lapertinente, tanba kazu nee eziste duni, Timor oan nain rua nee iha sela.

Liu husi sesaun plenariu Tersa (10/03/2020) iha PN, bolu urjente Ministru  Defeza no Ministru Interinu Interior Filomino Paixão no Komandante Jeral PNTL Komisariu Faustino da Costa, hodi debate ba osan falsu neebe sai viral iha midia sosial, iha sesaun plenariu nee mosu diferensa ideias husi bankada sira iha PN.

Diferensa ideias nee husi Bankada FRETILIN no PLP balu hakarak labele debate iha sesaun plenariu, tanba nee atu debate iha fatin neebe taka ba publiku, maibe husi bankada CNRT, PD,KHUNTO, UDT/FM, PUDD konkorda atu debate.

Ho diferensa ideias nee Prezidente PN Arão Noe sub-mete ba votasaun  atu nunee bele haree konkorda kalae ba debate. Liu husi votasaun  direta deputadu sira fo votus  afavor 30, kontra 28, abstensaun 1, nunee rezultadu votasaun maioria hakarak debate.  Tanba nee sesaun debate kontinua, maibe bankada FRETILIN retira tomak, inklui PLP nia deputadu nain 3 retira, maibe balu konkorda ba debate.

Antes tama ba votasaun, iha sesaun plenariu Deputadu Bankada PLP Francisco Vasconcelos, dehan kazu lo-loos nee husik polisia halo investigasaun lai, la presiza halo diskusaun iha plenaria Parlamentu Nasional.

Kazu nee la pertinente atu debate iha nee tanba hau kontaktu ba Metro Jaya kazu nee eziste duni no Timor oan nain rua nee iha sela. Ajente polisia neebe ba halo investigasaun tama ona ba prosesu disiplinar neebe fo sai iha facebook, agora parlamentu ba politiza tiha depois ita mendahului, mezmu líder bankada apresia mas diak liu retira, lalika politiza sasan tanba kazu nee tama ona ba faze investigasaun, dehan Deputadu PLP nee .

Deputadu nee afirma, kazu neebe deskonfia produs osan falsu mak António Correia no Bruno Magalhães, tanba ida-nee husik polisia halo investigasaun.

Neebe ita lalika kahur no politiza sasan. Se deit mak koalia iha facebook husik nia koalia, ita mos husik polisia halo investigasaun selae ita mendahului instituisaun sira-neebe iha kompetensia ba kazu nee. Kazu nee eziste laos dun ema ruma lae, dehan nia.

Nunee mos Deputada CNRT, Carmelita Moniz dehan, agora mak la tau importansia kazu osan falsu neebe halo viral iha facebook loron ida sei akontese ba lider sira seluk.

Ita la tau atensaun masimu, ida nee afeta ba ita nia lider karismatiku nasaun nian, nee ita nia dignidade pais nian. Agora ita lau atensaun loron ida sei akontese ba líder nasionál sira seluk tanba nee mak ita tenke prevene hodi fó atensaun sériu ba asuntu ida-nee, hatete Deputada Carmelita.

Nunee mos Vise Xefe Bankada FRETILIN, Francisco Branco, husu kansela debate osan falsu nee, tanba asuntu nee iha hela segredu justisa iha nasaun viziñu nian tanba nee lalika kahur politika ho kazu sira hanesan nee.

Hatan ba kestaun nee Xefe Bankada CNRT, Duarte Nunes hatete, pedidu nee bankada CNRT mak husu atu debate ho karater urjensia no lider bankada sira mos konkorda. Tanba saida mak sira preokupa ho situasaun nee, tanba haree iha video nee membru PNTL neebe ba halo investigasaun iha situasaun sai iha facebook nee.

Nia dehan, ema hotu hatene sira mak ba investiga hodi hetan dadus ba interese prosesu judisial, maibe realidade mak dadus sai iha publiku. Ami hakarak autoridade seguransa halo esplikasaun tanba sa mak dadus nee sai ba media sosial,  tanba nee nain ba instituisaun nee mak tenke esplika.

Entretantu hatan ba kestaun nee mos, Ministru Defeza no Ministru Interior Interinu, Filomino Paixão katak, kazu nee sei iha prosesu justisa.

Sirkula iha Likisa

Nunee mos Deputada Veneranda Lemos Martins hatete,  informasaun ida  neebe iha plenaria semana pasada deputadu sira foti, kestaun kona ba sirkulasaun osan falsu iha Likisa ninian.

Hau hakarak husu deit  intituisaun PNTL nia kona ba asuntu ida nee ka lae. Tanba dehan joven sira balun lao ho pasta iha kotuk mak halo asaun ida hanesan lori $100 dolar nia ba halo kompras iha kios balun, depois ema nee liu tiha mak kios nia nain hatene katak, osan falsu bainhira buka tuir ema nee sae motor halai liu ona, dehan Veneranda liu husi Plenaria, iha PN ,Dili,Tersa (10/03/2020).

Nia dehan, ida nee informasuan deit, para PNTL iha informasuan ba asuntu ida nee

Iha fatin hanesan Deputadu Adriano  do Nasicimento katak, sirkulasaun  osan falsu ida nee mak loos Ministeriu hanoin no halo koordenasaun intituisaun sira seluk,  tenke matan oris tanba nee kredibilidade nasaun nia.

Osan falsu se ida nee mak loos hau hanoin ministeriu  halo koordenasuan ho intituisaun sira seluk liu liu PSIK no polisia Intelijen, Unidade Finanseira tenke matan moris neon nain hodi haree, se lae  nasuan Timor nee sai fatin droga,  sai fatin brankeamentu kapitasi, sai fatin ba krime hotu iha mundu nee bele akontese, hatete Deputadu Adriano.

Nia dehan, agora dadauk Timor Leste nia naran foer ona iha Indionezia, nee signifika TL la iha kapasidade atu detekta ema sira nee, ate ema sira nee ba Indonezia, Indonezia kaer.

hau hanoin ida nee kestaun kredivbilidade, hodi kombate krime organizadu Transnasional, dehan nia.

Hatan ba preokupasaun nee Komandante Jeral Polisia Nasional Timor Leste Komisariu Polisia, Faustino da Costa katak, kona ba osan falsu Ministru mos hatoo katak,  dekretu lei numeru 14/2015 kompetensia tomak Polisia Sientifiku Investigasaun Kriminal.

Ida neebe Polisia Nasional halo katak, bainhira informasaun neebe tama ita rekolla. Maski nunee iha 2019 PNTL rejistu duni  iha senora ida mai halo keixa katak, nia faan pulsa eletrisidade nia ema ba hola kalan, lori osan 100 dolar  tuir, Komisariu Polisia, Faustino hatete.

Nia dehan, iha Manufahi mos  iha keixa ema lori nota valor $20 dolar  tahan 7, maibe deskonesidu  se mak lori, hanesan mos ida neebe faan pulsa  nein konese ema.

“Kazu sira nee ita rezistu, maibe ita hotu hein prosesu tomak, tanba nain ba prosesu nee Ministeriu Publiku prosesu ida nee ami rezistu,” dehan nia. Reportajen : Giler/ Jeniche

Komentariu

Facebook Comments

Leave a Reply

Your email address will not be published. Required fields are marked *