Dili Auto Show Realiza Iha Sirkuitu Terra Santa

Dili Auto Show Realiza Iha Sirkuitu Terra Santa

- in Metro
6191
0
rotunda

DILI- Atu buka fini atletas automotive ba balap ka halai taru kareta ho modelu foun neebe hanaran balap kareta drift, agora dau-daun  Prezidente Timor Bull Drift Team, Ade Guiliano Saleh (kaben husi Sonia Dora Stoffel Cidrac Carrascalao) iha ona kareta ba balap drift nian neebe prepara hela iha Terra Santa Comoro, Dili.

Atu fo koñesementu ba Timor oan tomak liu-liu joventude sira  kona ba aktividade desportiva balap kareta drift nian nee, ami sei aprezenta show ida neebe hanaran Dili Auto Show iha Sirkuitu Terra Santa ho motto: From Nothing to Something. Ema hotu bele mai hare ka nonton atividade desportiva nee ho gratuita,” dehan Ade Guiliano ba STL iha Terra Santa, Komoro, Dili, Sesta (8/12/2017).

Tuir nia, Dili Auto Show  nee  sei halao iha Sirkuitu Terra Santa, Komoro, husi tuku 08.00 dader to’o tuku 05.00 lokraik, iha loron Sesta, 15 Dezembru 2017.  Aprezentasaun Dili Auto Show nee realiza serbisu hamutuk ho Federasaun Motosiklismu Timor Leste (FMC) neebe lidera husi eis Ministru Interior, Longuinhos Monteiro ho Dili Auto Service (DAS).

Nia dehan, alein de halao atividade  desportiva balap kareta drift, sei hatudu mos ba penonton sira kareta luxu, kareta antik, kareta  balap modelu oi-oin, hanesan karena balap drift nian, kareta balap off-road, no kareta sport call. “Ami sei aprezenta mos motocross show,” katak Ade Guiliano.

Atu harame Dili Auto Show nee, katak Ade Guiliano, drifter joven ida neebe iha ninia talentu iha desportiva balap kareta drift nian ho naran Giovani Carrascalao Saleh, sei anima penonton sira. “Giovani iha skill diak teb-tebes ba desportiva balap kareta drift nian. Nia (Giovani-Red.) ho naran Price of Drift Timor Leste, sei hatudu ninia skill no hatudu oinsa ho tekniku nia halai kareta drift nee ho pozisaun hakliis (kemiringan) no meluncur kleur. Tanba nee, kuandu iha kompetisaun, presiza drifting neebe iha skill atu adu ketangkasan iha sirkuitu laran,” katak Ade Guiliano.

Tuir nia, drifting nee presiza skill mengatur travasaun (pengereman) no skill driver oinsa ho tekniku kareta nee bele meluncur kleur ho roda kotuk nomos ho upgrade kareta neebe optimal. “Objetivu husi atividade Dili Auto Show nee atu hamoris desportiva automotive iha Timor Leste no buka fini atletas balap kareta nian, tanba pembalap sira neebe ita iha katuas hotu ona,” katak Vise Prezidente Drift iha Indonesia nee.

Aman husi Miguel Carrascalao Saleh no Giovani Carrascalao Saleh nee hatete, desportu halai kareta drift nee la presiza sirkuitu neebe boot. Ho rai luan 1-2 hektare bele halo ona sirkuitu halai kareta drift nian.

Iha Indonesia, sirkuitu halai kareta drift nian iha Kompleks Pekan Raya Jakarta (PRJ), Kemayoran, Jakarta Sentral, no sirkuitu neebe diak liu iha Asia Tenggara.  Sirkuitu drift nian ida iha Bali. Kreator hamosu sirkuit nee mai husi eis pereli no pembalap, Anton Rianto neebe agora sai nuudar Prezidente Drifting Indonesia,” dehan Ade Guiliano.

Iha fatin hanesan, drifter Giovani Carrascalao Saleh hatete nia prontu atu hatudu ninia skill iha halai kareta drift nee. “Hau prontu aprezenta skill neebe hau iha. Hahu husi idade tinan 5 hau treinu halai kareta drift ho hau nia pai. Maibe, bainhira hau nia idade tinan 8 hau halai mesak ona,” katak Giovani.

Buka Eskola Drift Iha TL

Prezidente Timor Bull Drift Team, Ade Guiliano Saleh hatete, nia iha planu atu loke eskola drifting iha Timor Leste (TL). “Ami iha ona planu atu loke eskola drift nian iha fulan Junhu 2018. Ami mos sei prepara kareta drift hamutuk 7 iha eskola nee. Ami mos hakarak husu lisensa husi Governu atu hatama kareta drift nian husi Japaun. Tuir regras neebe iha, kareta sira nee la bele tama Timor, tanba nia kondisaun tuan tiha ona. Maibe ami hakarak uza kareta sira nee iha deit sirkuitu laran,” dehan Ade Guiliano.

Relasiona ho atividade desportiva  halai kareta drift nian nee, Ade Guiliano sei konvida lideransa Timor nian hanesan, Sekretariadu Estadu Desportu no Promosaun ba Kompetisaun Altu, Osorio Florindo da Conceicao Costa, Ministru Estranjeiru Negosiu no Kooperasaun, Aurelio Sergio Cristovao Guterres, Ministru Estadu no Konsellu Seguransa Nasional, Jose Ramos Horta, Ministru Defesa no Ministru Interior, Augustinho Sequiera Samotxo. Alein de nee, katak Ade Guiliano, konvida mos midia nasional hanesan jornal, televisaun no radio sira atu halo kobertura Dili Auto Show nee. Mikael M. Mau

Facebook Comments

Leave a Reply

Your email address will not be published. Required fields are marked *