Dialogu Fretilin-CNRT, Alkatiri: Fretilin Maka Sei Forma Governu

Dialogu Fretilin-CNRT, Alkatiri: Fretilin Maka Sei Forma Governu

- in Nasional
201
0
Alkatiriiiiiiiiiiii

DILI – Iha eleisaun jeral tinan 2017 partidu Fretilin maka manan iha eleisaun nee hodi forma Governu, maske partidu istoriku nee lamanan ho maioria absoluta.

Primeiru Dialogu entre Partidu Istoriku Fretilin ho CNRT nee, halao hodi buka oinsa atu garante paz no estabilidade iha Timor Leste, bainhira formasaun VII Governu neebe sei forma husi partidu vesidor FRETILIN.

Mesmu dialogu iha permeiru ronde nee, seidauk iha rejultadu neebe maka fiksu, maibe hein katak semana oin mai bele hetan ona rejultadu neebe maka klaru ba Fretilin hodi forma Governu.

Portantu dialogu nee hahu iha tuku 10:17, antes 10: Sekertariu Jeral Partidu  Fretilin Mari Alkatiri neebe maka akompania husi Vise Prezidente Francisco Miranda Branco, Vise Prezidente Aniceto Guterres, Adjuntu Sekjer Jose Reis, Adjuntu Sekjer Flavio Noronha no Prezidente OPMT Merita Alves to uluk ona iha Hotel Novu Turismu.

Sekertariu Jeral Partidu CNRT Francisco Kalbuadi Lay, neebe akompania husi Prezidente CPN Dionisio Babo ho Vise Prezidente partidu CNRT Virgilio Smith to iha fatin dialogu iha tuku 10: 14.

Dialogu entre partidu Fretilin ho CNRT nee halao durante oras ida ho balu nia laran, hahu iha tuku 10:17 remata iha tuku 11: 32.

Entretantu tuir orariu ohin Kinta Feira dia 10 Agostu 2017 Fretilin sei halo dialogu ho Partidu PLP, dia 11 ho partidu Khunto no dia 12 dialogu ho Partidu Demokratiku, iha fatin neebe hanesan.

Hafoin dialogu remata Sekertariu Jeral Partidu Fretilin Mari Alkatiri ba jornalista sira katak, Partidu Fretilin maka sei forma Governasaun, iha VII Governu mai.

Permeiriu Hau hakarak hateten kedan, Fretilin sei forma Governu, tanba nee lalika dudu fali buat nee ba CNRT,” dehan Sekjer Partidu Fretilin Mari ho hamnasa, ba jornalsita sira, iha Hotel Novu Turismu, Dili, Kuarta (09/8/2017).

Iha biban nee mos Sekjer Partidu Fretilin Mari hateten, naturalmente dialogu iha permeira ronde nee, iha intedimentu oituan neebe lapresiza naruk badak deit.

Nunee mos enkuantu responde konaba oinsa Sekjer Partidu Fretilin Mari Alkatiri nia sentimentu oinsa Partidu CNRT Xanana Gusmao lamarka ninia prezinsa iha dialogu nee, Sekjer Partidu Fretilin Mari hateten, Nia (Red.Sekjer Fretilin) respeita partidu idak-idak ninia prosidementu, tanba nia mos aban bainrua haruk adjuntu maka ba kolia mos CNRT tenki simu. Carme Ximenes/EST2

Facebook Comments

Leave a Reply

Your email address will not be published. Required fields are marked *