Dezenvolvimentu TL Finanseiru Husi Deve

Dezenvolvimentu TL Finanseiru Husi Deve

- in Metro
607
0
ponte-komor-iii

DILI-Dezenvolvimentu neebe lao iha Timor Leste (TL), finanseru husi imprestimu ho montante orsamentu tokon quatru mileons (tokon 4). Imprestimu tokon hat nee husi banku azensia hanesan Asia Development Bank (ADB),  banku Mundial, Jepan International Coporation Agency (JICA), no mos Action Bank.

Ita nia governu opta politika ida atu halo imprestimu ka atu moviliza rekursu finanseru husi rai liur hodi finansia projetu dezenvolvimentu liu liu infraestrutura neebe iha ita nia rai laran. Ho ida nee total imprestimu neebe ita iha tuir dadus neebe mak hau iha, Quatro Sentor miloens,” dehan Vise Ministru Ministeriu Finansas Helder Lopes ba Jornalista sira iha edifisiu Finansas foun Aitarak laran Dili, Kuarta (17/05/2017)

Nia esplika katak, montante orsamentu Quatru sentos miloens nee mai husi banku sira neebe mak governu halo ona imprestimu mak hanesan Asia Development Bank (ADB), banku Mundial, Jepan International Coporation Agency (JICA), no mos Action ba husi Xina Bank

Imprestimu husi Action Bank nee seidauk implementa tanba ita sei hein hela aprovasaun husi tribunal. Agora osan neebe ita empresta nee ita halo saida-saida! Primeiru mak nee, ita impresta laos impresta para konsumu, ita impresta laos gasta ba nesesidade estadu loron loron nia. Maibe ita impresta ba investe iha projetu sira neebe bele fo return ekonomia ba ita nia rai, tanba nee osan neebe mak ita impresta maioria projetu inraestrutura liu liu estrada,”dehan Helder

Nia aumenta tan katak, estrada Tibar ba Liquesa, Tibar ba Gleno, Manatutu ba Natarbora, no ba leste  Dili ba Manatutu, Matutu ba Baucau, Baucau ba Lautem no mos dalan ba Aileiu nia nee opta husi osan imprestimu neebe osan sira neebe impresta nee ba projetu sira nee.

Dala ba ema kestiona dehan nunsa mak ita iha osa rasik ita la uza ita nia osan halo estrada maibe ita impresta ema nia osan halo estrada depois kria fali tusan ba jerasaun sira tur mak atu selu!. Ne mak hau hakarak esplika katak iha prinsipiu hat mak ita nia governu estabelese no opta bainhira ba halo imprestimu.

Nia dehan primeiru mak ita bolu dehan osan baratu, ita nia osan fundu petrulifeiru nia balansu agora nee 16.2 biloens neebe ita ba investe iha Equity ho BOLSA, neebe husi ita nia investimentu nee sira bele hatama fali lukru ba ita nia estadu.

Entaun durante ita halo investimentu ita nia fundu nee, lukru neebe ita hetan kada tinan liu 3% ba leten, tanba nee mak kuandu ita halo imprestimu ita tenke asegura katak, osan neebe ita empresta nee ninia funan neebe itra atu selu nee tenke menus husi 3%.

Tanba se karik nia liu 3% entaun ita uza hau nia osan fundu, mais nia kuandu nia menus husi 3% ita ba impresta diak, nee ita bolu dehan prinsipiu osan baratu,” esplika nia

Alende nee nia afirma tan katak, osan neebe mak mai husi imprestimu nee finansia ba projetu infra estrutura neebe bele fo return ekonomiku neebe impretimu nee laos ba konsumu, ka hanesan selu salariu ou gasta ben servisu mais ba investe ba estrada no sira seluk neebe mak bele fo retunu ekonomiku iha futuru.

Tuir nia katak, osan husi imprestimu nee iha balun mos selu ona ona liu liu ba iha banku mundial nia tanba tuir akordu neebe mak iha.

Ita selub ona liu liu banku munidial tuir akordu neebe mak iha maibe ita seluk selu boot ida, seluk kiikoan tanba kuaze imprestimu hotu hotu nee ita bolu dehan imprestimu referensial ka imprestimu konsensionari.nebe imprestimu neebe funan kiik I imprestimu neebe ita bele selu minimu tina lima, ita so seluk minu tinan 10 nia laran, neebe ita hahu selu mais selu nia funan laos nia isin, maibe ita impresta iha banku hat entaun ita selu nee ho tinan neebe diferente neebe la sala imprestimu sira neebe ita halo nee sei selu hotu se sala iha 2030 ital hanesan nee,” dehan hatutan Helder.

Iha Fatin hanesan Diretur Ezekutivu Lao Hamutuk, Juvinal Diaz dehan, hanesan sosiedade sivil konsidera katak imprestimu sira nee laos dalan diak no politiku diak, imprestimu sira nee bele ajuda iha tempu badak maibe bele lori todan iha tempu naruk tanba Timor leste bele selu fila fali tusan, selu fila fali funan.

Ita hatene katak iha tinan 10 oin mai ita sei selu tusan, maibe tinan 10 oin mai mos ita la iha kampu minarai Bayundang signifika katak Timor Leste tenke buka meius seluk atu bele seluk tusan, Ohin loron banku sira hanesan banku ADB, JICA, Banku Mundial, hau hanoin katak, elizivel bele simu tanba ita iha fundu minarai,” dehan Juvinal.

Nia aumenta tan katak, fundu mina rai nee mos sei la bele dura too tempu naruk, nia bele hotu depende ba governu se governu gasta arbiru mina rai mos la iha fundu bele hotu.

“Fundu hotu ita atu foti osan ida neebe atu selu ema nia tusan tanba nee ami dehan dalan imprestimu laos dalan neebe diak,” dehan nia. Lucia Ximenes

Facebook Comments

Leave a Reply

Your email address will not be published. Required fields are marked *