Dezenvolvimentu Sentraliza Iha Kapital Dili

Dezenvolvimentu Sentraliza Iha Kapital Dili

- in Economics
132
0
Untitled-1

DILI – Husi inisiu too agora governu gasta osan husi fundu mina rai kuaze Billaun 9 ona maibe haree ba dezenvolvimentu  sentraliza iha kapital Dili maka barak liu duke areas remotas.

Kestaun nee fo sai husi Reprezentante povu iha uma fukun Parlamentu Nasional, Deputada Lidia Norberta, liu husi sesaun plenaria Segunda (09/10/2017) iha nia knaar fatin.

Hau hanoin dezenvolvimentu tenke lao mos too iha Munisipiu sira nee tanba, povu barak maka hela iha neeba, no laos atu impede dezenvolvimentu maibe mos tenke tenke tau importansia mos ba iha Munisipiu,”informa nia.

Iha fatin hanesan Deputadu Antoninho Bianco fo mos ninia ideas neebe la hanesan katak, dezenvolvimentu iha rai laran hatudu duni progresu diak, no laos iha Dili laran deit maibe iha Munisipiu sira mos lao dadauk ona.

Ita haree uluk agrikultor sira susar atu asesu ba merkadu maibe agora, povu bele lori sira nia produtu ba merkadu ho transporte, ida nee hatudu katak dezenvolvimentu lao duni,”informa Bianco.

Nunee mos Vice Prezidente Camara Comersiu Industria TL CCI-TL, Rui Castro hatutan, dezenvolvimentu iha rai laran avansadu tebes, povu asesu ba merkadu ho diak, kompara ho uluk agrikultor sira atu lori sira nia produtu ba merkadu tenke tutur deit maibe agora mudansa boot. Madalena Horta

Facebook Comments

Leave a Reply

Your email address will not be published. Required fields are marked *