Dezempregu Iha TL sei Aumenta

Dezempregu Iha TL sei Aumenta

- in Economics
78
0
download (34)

DILI-Dezempregu iha rai laran sei kontinua aumenta ba bebeik, tanba situasaun politik neebe lao iha rai laran, too agora seidauk iha solusaun, tanba nee empreza Internasional sira sei la mai halo investe iha rai laran. No sira neebe agora dadauk lao hela nee sei taka hotu.

Kestaun nee fo sai husi Prezidente Camara Comersiu Industria TL (CCI-TL), Oscar Lima ba Jornalista Segunda (20/01/2020) iha nia knaar fatin Akait Dili.

Lolos nee ita preokupa atu redus numeru dezempregu iha rai laran, maibe realidede ho politika neebe lao halo numeru dezempregu sei kontinua aumenta, tanba empreza balun haree situasaun hanesan nee, maka sir abele taka tan sira nia atividade, no dezempregu sei aumenta ba bebeik, dehan Oscar Lima.

Nia mos afirma liu tan katak, Joven barak maka agora dadauk triste, liu liu sira neebe maka finaliza ona sira nia estudu iha universidade atu asesu ba servisu, maibe ho situasaun politik neebe lao iha rai laran, halo sira la hetan servisu no traballador antigun sira nee  barak maka ema sei hasai.

Iha parte seluk Diretur ezekutivu HAK, Manuel Monteiro hatutan, dezempregu iha rai laran kontinua amenta hahu kedas husi impase politik ida nee lao, no too agora Governu dala ualu seidauk fo servisu ba joven sira.

Hau hanoin dezempregu iha TL laos foin maka atu aumenta, maibe hahu kedas iha inserteza politika ida nee, joven barak maka la asesu on aba kampu servisu, investor barak maka taka hodi fila ba sira nia rai.

Ita preokupa tanba joven barak maka, husik hela sira nia familia hodi ba buka servisu iha ema nia rai, hanesan Inglatera, Korea no Australia, lolos nee Timor oan maka ita nia rekursu tan nee labele husik sira ba buka servisu iha ema nia rai, dehan nia.

Nunee mos Fernando Maia (setor privadu) hatutan, dezempregu iha rai laran, kontinua aumenta tanba atividade setor privadu rai laran no rai liur nian la lao diak, empreza barak maka taka sira nia atividade, ida nee mos fo impaktu ba servisu nain sira.* Madalena Horta/Jacinta Siquera

Komentariu

Facebook Comments

Leave a Reply

Your email address will not be published. Required fields are marked *