Dever Estudante Mak Estuda

Dever Estudante Mak Estuda

- in Edukasaun
799
0
Edukasaun

DILI – Dever no knar estudante sira mak tenke esforsu aan estuda, tanba sira mak jerasaun foun ba rai nee, no nasaun nee presiza ema matenek hodi dezenvolve rai ida nee ba oin.

Kestaun nee hatoo husi Direitor Edukasaun Munisipiu Viqueque, Emidio  Amaral katak, atu dezenvolve rai nee oin, presiza jerasaun foun sira, liu-liu estudante sira tenke hakas aan estuda, tanba nasaun presiza ema neebe mak matenek.

Hau hakarak husu ba ita nia estudante sira katak, imi tenke esforsu aan estuda makaas, tanba nasaun nee hein hela ita boot jerasaun foun, ita boot sira mak dezenvolve rai ida nee ba oin, nasaun presiza ema matenek, entaun ita nia professor sira fo siensia iha eskola, ita nia estudante sira mak tenke esforsu aan estuda, nomos presiza husu apoiu inan aman sira nian atu bele fo hanoin ba oan sira,” dehan Emidio ba STL liu husi mensajen Sesta (16/06/2017).

Emidio hatete, bainhira estudante sira ba eskola simu siensia husi professor, fila ba uma sira ida-idak tenke esforsu aan estuda, no inan aman sira presiza fo hanoin ba oan sira, tanba iha uma nee kompetensia inan aman atu kontrola oan sira.

Iha fatin seluk, Direitor edukasaun Munisipiu Dili, Duarte Braganca husu nafatin inan aman sira nia apoiu atu bele fo hanoin no kontrola oan sira, liu-liu dader mai eskola tenke kumpri oras, tanba eskola nee tama tuku 8 dader, se tuku 9 mak estudante sira foin hein kareta nee oinsa mak sira atu tuir prosesu aprendizajen.

“Hau husu nafatin inan aman sira nian apoiu atu bele fo hanoin no kontrola oan sira, liu-liu dader mai iha eskola tenke kumpri oras, dala ruma tuku sia tiha ona estudante sira uza farda sei hein hela kareta iha dalan,” dehan nia. Jacinta Sequeira

Facebook Comments

Leave a Reply

Your email address will not be published. Required fields are marked *