Deve Rehabilita Estrada

Deve Rehabilita Estrada

- in Nasional
72
0
images (3)

DILI-Governu Timor Leste  sei deve tan osan husi Banku Mundial ho montante tokon  $59, hodi halo reabilitasaun estrada  Gleno ba Hatubuiliku.

Tuir Ministru Prezidensia no Konsellu Ministru, Agio  Perreira katak, enkontru liu husi Konsellu Ministru nee, simu mos proposta ida husi Ministra Finansas Interina Sara Lobo Brites   kon ba proposta  asina akordu ho Banku Mundil ba imprestimu.

Kontratu nee bolu maturidade  neebe sei too  tinan hat nulu, tinan 10 seidauk hahu selu jurus tinan 30,  hahu ba oin mak selu jurus  konklui selu ita nia imprestimu, dehan Agio ba jornalaista sira, iha palasiu governu, Dili, Kuarta (18/12/2019).

Nia dehan, estrada nee ho nia total distansia total distansia 44.3 kilometru, nunee osan neebe atu gastu mak tokon $7.081.

Total gastu tokon $7.081, tanba nee  tokon $ 59  sei mai  husi imprestimu Banku Mundial  neebe ita simu, dehan  nia.

Agio haktuir tan katak, nee  politika governu nian, neebe enkoraza imprestimu hodi bele hatun todan husi fundu petrolifeiru.

Tanba nee aprovadu no fo poder ba   Ministra Finansa, atu hahu halao negoaisaun no mos  asina akordu ho banku mundial.

Nia dehan, tempu konstrusaun ka reabilitasaun estrada Gleno-Letefoho-Hatubuiliku nee, sei halao durante tinan tolu no sei hahu iha tinan 2020 no remata iha tinan 2023.

Iha okaziaun nee KM aprova mos proposta deliberasaun neebe aprezenta husi  Ministru  Obras Publika Salvaddor Pires, kona ba alterasaun kontratu publiku no empritada ho kompana Wu Yi Co., Ltd atu  hadia no meloria manutensaun estrada iha Dili laran.

Nia dehan,  proposta nee aprovadu ona maibe  proposta alterasaun nee Ministeriu Obras Publika, tenke submete ba alterasaun nee, tanba aas liu tokon $5  ba karma de kontas, atu simu vistu preve hodi bele hahu. Luciana Ximenes

 

Komentariu

Facebook Comments

Leave a Reply

Your email address will not be published. Required fields are marked *