Deskonfia Laen Amante Ho Feto Seluk, Fen Simu Basa

Deskonfia Laen Amante Ho Feto Seluk, Fen Simu Basa

- in Krime
1264
0
Selingkuh

DILI- Tribunal Distrital Dili iha Tersa (12/12/2017) julga arguidu ho naran inisial MC, tanba halo agresaun hasoru nia fen lezada CGL.

Tuir akuzasaun neebe tribunal lee sai husi Ministeriu Publiku katak, arguidu ho lezada forma uma kain iha tinan 2012 no iha oan nai ida. Durante sira moris hamutuk arguidu baku bebeik lezada, maibe lezada foin primera vez keiza kontra arguidu.

Iha data neebe la apuradu, maibe iha fulan Fevereiru tinan 2017, maizumenus tuku 15:00, iha sira nia uma lokalizada iha Taibesi Has Laran, lezada husu arguidu tanba deskonfia arguidu halo amante ho feto seluk, maibe arguidu nega buka kestaun oin oin hodi taka ba lezada konaba kestaun amante refere.

Nunee lezada mos komesa lao ses an husi arguidu, maibe arguidu la satisfaz ho lezada nia maneira refere hodi foti tudik ida lao ba mai atu sona lezada, tanba nee lezada nia bin maka hadau tiha tudik husi arguidu nia liman.

Tuir mai, arguidu imediatamente basa dala rua, iha lezada nia hasan sorin loos no karuk. Arguidu kontinua buti ho makas iha lezada nia kakorok, no lori ai pedasuk ida baku estraga sasan hanesan bikan, kadeira janela vidru nian.

Arguidu halo hahalok nee, ho forma neebe livre, deliberada no ho konsientemente, hatene katak basa no buti iha ema seluk ninia integridade fiziku, nudar hahalok neebe hamoras iha ema nia isin, no bele halo lezada hetan moras. Terezinha De Deus

Facebook Comments

Leave a Reply

Your email address will not be published. Required fields are marked *