Deskonfia Komete KBK, Tribunal Aplika TIR Ba Arguidu

Deskonfia Komete KBK, Tribunal Aplika TIR Ba Arguidu

- in Nasional
184
0
TTD1

DILI- Tribunal Distrital Dili, iha loron 13/04/2018 halao primeira interogatoriu ba arguidu ho inisial D no J, tanba deskonfia komete krime brankeamentu kapitais, tanba produs osan falsu.

Iha desizaun, tribunal aplika medida koasaun TIR ba arguidu ho inisial J no D, no aprezentasaun periodika hodi hein prosesu investigasau.

Tuir Advogadu husi Lafaek Advokasia Sergio Lobo da Silva katak, tribunal aplika ona desizaun ba sira nia kliente, ho medida koasaun TIR.

Arguidu neebe ami fo asistensia ba tribunal aplika deit medida koasaun TIR nian, TIR la iha aprezentasaun periodika, maibe iha fali arguidu ida mak hetan medida aprezentasaun periodika,” tenik nia ba STL iha TDD, Sesta liu ba.

Nia afirma tan, agora nee foin iha primera interogatoiru, tanba nee prosesu ba oin, sei iha investigasaun nia laran, agora nee sei iha faze inkeritu, no segredu justisa nia laran.

Primeira interogatoriu nee, prezide husi Juiz singular Antonio do Carmo, Ministeriu Publiku reprezenta husi prokurador Lidia Soares, arguidu sira hetan asistensia legal husi defensor publiku, no advogadu privadu. Notisia kompletu lee iha jornal STL edisaun Tersa (17/04/2018). Terezinha De Deus

Facebook Comments

Leave a Reply

Your email address will not be published. Required fields are marked *