Deskonfia Grupu Organizadu Halo Movimentu Iha Caicoli

Deskonfia Grupu Organizadu Halo Movimentu Iha Caicoli

- in Metro
161
0
Autoridade Lokal

DILI-Deskonfia grupu organizadu balun halao movimentu tama-sai iha Suku Caicoli, Postu Administrativa Vera-Cruz, Munisipiu Dili.

Tuir ami nia haree nota katak iha grupu organizadu balun halo movimentu iha suku laran entaun  halo identifikasaun  sira mai husi fatin seluk mak mai halo movimentu tun-sae, laos hau nia komunidade Caicoli,” dehan Xefe Suku Caicoli Hipolito Marques ba STL iha Farol, Sesta (13/10/2017).

Tuir Hipolito katak, grupu organizadu sira nee mai husi fatin seluk mak mai halo movimentu iha Caicoli. Nunee mos ema sira nee laos idade boot mais idade mesak ho labarik deit mak tau simbolu arte marsiais hodi provoka situasaun.

Nee duni husu ba inan-aman sira kontrola sira nia oan atu nunee labele ba mete grupu sira nee hodi halo problema iha fatin-fatin.

Iha fatin hanesan komunidade, Lourenco Alves dehan, sira deskonfia membru eis arte marsiais sira  halo movimentu ba mais area Caicoli neebe  sira rasik mos buka tuir nia parderu mais ema nee laiha fatin neebe  permanente.

Ami Caicoli rasik buka tuir sira nia paraderu mais sira laiha fatin permanente sira laos ema Caicoli nia, sira husi fatin seluk lao tun sae nee duni, kuandu ami hetan ami sei informa ba seguransa,” dehan Lourenco.

Nunee mos Ubaldo da Costa Hanesan Joven iha Caicoli dehan, joven sira iha Caicoli nunka iha problema lamete ba grupu A ka B maibe so ema liur mak gosta provoka situasaun hodi nunee tama sai Bairru iha Caicoli.

“Ami iha nee nuka iha problema no lamete grupu saida A ka B, tanba ami iha nee balu servisu balun eskola entaun ema hotu-hotu sibuk ba nia kegiatan so ema iha liur mak mai halo problema mais ami rasik laiha,”katak Ubaldo. Lucia Ximenes

Facebook Comments

Leave a Reply

Your email address will not be published. Required fields are marked *