Deskonfia Asesor Hadau Kompetensia Ministru

Deskonfia Asesor Hadau Kompetensia Ministru

- in Nasional
120
0
PN..........

DILI-Deskonfia Asesor neebe maka halao servisu iha Ministeriu Obras Publika, hadau kompetensia husi Ministru Obras Publik Salvador Pires, hodi lidera meja.

Kestaun nee hato husi deputadu Sabino Guntur husi bankada PLP, iha intervensaun debate OJE 2019 na espesialidade, iha PN, Dili, Kuarta (19/12/2018).

Deputadu Guntur hatete, Tuir informasaun neebe mak nia rona husi funsionariu sira katak, iha Ministeiru Obras Publika nee, Asesor sira foti fali Ministru nia kompetensia depois lidera meja, nunee mos Vise Ministru nia servisu ladun kordenasaun diak ho Ministru.

Informasaun sira hotu ami rona tanba nee husu ba Ministru Obras Publika atu hare kestaun nee para labele implika kompetensia neebe mak inkliu iha Ministeiru Obras Publik,” dehan deputadu Guntur.

Nia dehan, Bazea ba relatoriu KAK nian durante nee projetu hotu hotu nee halimar husi Direitor Nasional ba kraik mak barak liu, tanba informasun neebe mak hetan husi rede intelijen sira katak, dala barak mosu projetu seidauk publika, maibe informasaun projetu nee fan tiha ona ba rai liur.

Iha fatin hanesan deputadu David Dias husi bankada FRETILIN hatete, Asesor sira nee tenke iha peritu neebe mak sira atu fo asesoria, labele be mos nia asesor nee administrasaun ninian fali tau iha neeb atu kolia saida, neebe tau asesor sira neebe mak peritu ba iha area nee para fo asistensia ba Ministru aumesmu tempu fo mos asistente ba Diretor Nasional neebe ladun iha koinesimentu.

Entretantu Primeiru Ministru Taur Matan Ruak hatete “ Prekupasaun neebe mak deputadu sira hato ami hakarak debate, maibe so ke tempu nee mak lato, alende ke ita kolia orsamentu liu liu ita kolia buat tolu, halo saida, se mak halo no kustu nee hira, karik latau osan nee risku saida mak ita sei hetan, lakolia ona politika, lakolia programa, kolia planu asaun no kolia kuantifikasaun, tanba nee mak ami rejista deit oportunidade seluk bele esklarese diak liu tan ba deputadu sira ,” dehan PM TMR. Informasaun kompletu iha STL Jornal, edisaun Kinta (20/12/2018). Carme Ximenes

Facebook Comments

Leave a Reply

Your email address will not be published. Required fields are marked *