Deputadus IV Lejislatura Prontu Simu Kareta

Deputadus IV Lejislatura Prontu Simu Kareta

- in Politics
498
0
21392480_1032358820235272_1056240587_o

DILI – Deputadu iha uma Fukun Parlamentu Nasional, husi Bankada Khunto prontu simu kareta Prado husi PN foun ka tuan atu bele halao serbisu povu nian iha mandatu tinan 5 nia laran.

Tuir deputadu husi bankada Khunto Luis Roberto da Silva hateten, eis deputadus III lejislatura halo karta mai iha Prezidente PN foun kona ba kareta Prado neebe mak sae hodi bele halo lelaun. Maibe husi bankada Khunto nian pozisaun hakarak sasan estadu bainhira remata mandatu tenke entrega fali ba estadu.

Ami husi bankada Khunto atu simu kareta foun ka kareta tuan nee ami prontu naran katak hodi responde ba servisu durante tinan 5 nia laran,” katak Deputadu Luis ba STL Tersa (12/09/2017) iha PN.

Entretantu Prezidente Parlamentu Nasional Aniceito Guterres katak, kona ba prosesu sosa kareta foun ba deputadus IV lejislatura sei lori ba iha plenaria, mak deside hakarak sae kareta tuan ka foun. Tanba nee, kona ba ida nee liu husi plenaria mak deside no ida neebe maioria PN mak sei halao tuir.

Deputadus IV lejislatura tenke hili hakarak uza kareta tuan ka foun kompetensia nee laos iha Prezidente PN mak deside,”dehan PPN Aniceito.

Nia hatutan, haree ba kareta tuan neebe III lejislatura sira uza, Prezidente PN hatete, kareta nee balu seidauk entrega hotu, maibe agora sei iha prosesu nia laran. Relasiona ho ba kareta Prado neebe eis deputadu sira uza hela sapa matrikula privadu.

Tanba antes nee desizaun PN III lejislatura nian fo direitu ba deputadu sira relasiona ho selu osan hodi muda naran no sapa matrikula, maibe agora entrega seidauk iha sapa Matrikula PN, klaru ke sira sei uza hela sapa matrikula privadu. Guilhermina Franco

Facebook Comments

Leave a Reply

Your email address will not be published. Required fields are marked *