Deputadu Fretilin-CNRT Balun Latuir Sesaun Solene V

Deputadu Fretilin-CNRT Balun Latuir Sesaun Solene V

- in Notisias Online, Top News
2490
0
PN..........

DILI – Deputadu Bankada Fretilin no CNRT balun iha Uma Fukun Parlamentu Nasional (PN) la partisipa sesaun Solene ba dala V iha Terseiru Legislatura.

Sesaun Solene ba dala Lima iha Legislatura dala tolu PN loke Direta husi Prezidente Republika Taur Matan Ruak. Partisipa iha sesaun solene nee mak hanesan Primeira Dama Isabel Fereira, Xefi Estadu Maior General, Falintil Forsa Defeza Timor Leste, Major Jenerel Lere Anan Timur, Komandante Jeral Polisia Nasional Timor Leste Komisariu Julio Hornay, Primeiru Ministru Interinu Agio Pereira ho Membru Governu balun inkliu Embaixador sira neebe halao Misaun iha Timor Leste.

Durante Sesaun nee Deputadu husi Partidu CNRT, Fretilin, PD no Frente Mudansa maioria marka Prezensa, maibe Deputadu nain tolu mak kadeira husik mamuk tanba la marka prezensa. Kadeira Deputadu sira nian neebe mamuk hanesan deputadu Mari Alkatiri husi Bankada Fretilin, Deputada Carmelita Moniz no Deputadu Pedro Martires husi bankada CNRT.

Relasiona ho Deputadu Mari Alkatiri neebe la marka Prezensa, Vice Xefi Bankada Fretilin Francisco Branco hatete desizaun politika husi Bankada Fretilin kuandu iha ajenda importante mak Deputadu Mari Alkatiri Marka Prezensa.

Deputadu Mari Alkatiri nia iha ajenda seluk neebe inportante liu nee momentu ida atu abertura solene V sesaun lejislatura Ami hanoin la inportante nia marka Prezensa,” dehan Branco ba STL Tersa (20/09/2016) iha Parlamentu Nasional.

Hatan kona ba Pozisaun Mari Alkatiri neebe mak la marka Prezensa, Branco hatete Deputadu Mari Alkatiri oras nee iha rai laran aktividade neebe mak halo bele konfirma rasik ba deputadu Mari.

Iha fatin hanesan Xefi Bankada CNRT Natalino Dos Santos Hatete Deputadu husi Bankada CNRT neebe la partisipa iha sesaun solene ema nain rua mak hanesan Deputada Carmelita Moniz no Deputadu Pedro Martires da Costa. Informasaun kompletu iha STL Jornal no STL Web, edisaun Kuarta (21/9/2016). Timotio Gusmao

Komentariu

Facebook Comments

Leave a Reply

Your email address will not be published. Required fields are marked *