Deputadu Antonio Da Conceição Sai Arguidu Ba Krime Rua

Deputadu Antonio Da Conceição Sai Arguidu Ba Krime Rua

- in Krime, Notisias Online
14
0
images (1)

DILI-Tribunal Distrital Dili, tuir lolos iha loron 02/12/2019 halao julgamentu ba iha arguidu nain haat, inklui deputadu Antonio Da Conceição.

Maibe julgamentu nee tenke adia ba iha loron seluk, tanba la prense kolektivu neebe maka iha, no arguidu Antonio Da Conceição la marka nia prezensa iha sala julgamentu.

Tanba nee juiz prosesu Antonio do Carmo, husu ba iha ofisial da justisa atu notifika nafatin ba iha arguidu Antonio, atu julgamentu iha loron tuir mai nia bele marka nia prezensa.

Ho nunee juiz prosesu deside, hodi adia hikas julgamentu nee ba iha loron 20 fulan Janero 2020 oras tuku 14:00 hodi hahu primera julgamentu ba iha kazu refere.

Tuir informasaun husi ofisial da justisa katak, arguidu Antonio husi parte tribunal nian notifika hela, maibe nia la marka prezensa, no arguidu rasik mos seidauk hatama nia justifikasaun rasik, konaba la marka prezensa nee.

Tuir faktus hatudu katak, arguidu sira neebe envolve ba iha krime nee iha arguidu nain lima. Antonio da Costa nudar funsionariu publiku no asumi kargu nudar diretor nasional ba industria no transformadora iha ministeriu komersiu, industria no ambiente.

Arguida Julmira Inacia Belo, nudar funsionariu publiku no asumi kargu nudar xefi departementu lojistika nasional iha diresaun nasional aprovizionamentu no lojistiku, iha MCIA.

Arguidu Gaspar Policarpo da Silva Correa, nudar funsionariu publiku no asumi kargu hanesan diretor nasiona ba aprovizionamentu, no lojistika iha MCIA.

Arguidu Paul Manuel da Costa Soares Viana, nudar diretor husi kompania Kninuk stra Unipesoal Lda.

Arguidu Antonio Da Conceição, nudar ministru iha MCIA, no aktual nudar membru parlamentu, deputadu husi bankada PD.

Husi arguidu sira nia hahalok, husi parte ministeriu publiku nian akuza arguidu sira ba iha krime neebe la hanesan.

Arguidu Antonio da Costa nudar autor material ba krime Pekulatu previstu iha artigu 295.

Arguida Julmira Inacia Belo, Arguidu Gaspar Policarpo da Silva Correa, Arguidu Antonio Da Conceição, nudar ko autor material ba krime partesipasaun ekonomika iha negosiu, no administrasaun danoza neebe previstu iha artigu 299,274 husi KP.

Arguidu Paul Manuel da Costa Soares Viana, nudar ko autor material ba krime burla agravadu, administrasaun danoza, no falsifikasaun dokumentus.

Arguidu nain lima nee, envolve iha krime sira nee, relasiona iha tinan 2014 MCIA iha osan atu sosa ekipamentus diversus, husi orsamentu kapital menor ho montante global 200,000.00, neebe ate fulan Junu tinan 2014, orsamentu refere seidauk ezekuta.

Ekipamentus sira nee maka hanesan, test kids ba laboratoriu, akipamentus test ba ethanol, makina pakotamentu ba kafe, makina sona kafe, sai nudar fasilidade iha sentru treinamentu iha Matadoru, atu fo treinamentu ba ema sira.

Husi arguidu sira nia hahalok nee, fo prezuiju ba iha estadu timor leste ho montante, USD 143,500.00.

Audensia julgamentu nee, prezide husi Juis Kolektivu Antonio do Carmo, Albertina Neves, Sribuana da Costa, Ministeriu Publiku reprezenta husi Prokurador Rogerio Viegas, arguidu sira hetan asistensia legal husi Advogadu Privadu no Defensor Publiku. Informasaun kompletu, iha jornal STL, edisaun Tersa (03/12/2019) Terezinha de Deus

Komentariu

Facebook Comments

Leave a Reply

Your email address will not be published. Required fields are marked *