Demokrasia Problema Barak

Demokrasia Problema Barak

- in Politics
59
0

DILI —  Konflitu neebe mosu iha rai laran, kauza husi sistema demokrasia neebe implementa rai laran. Hanesan nasaun post konflitu, Timor Leste seidauk preparadu implementa demokrasia, tanba sei frajil iha aspetu lei no seguransa.

Tuir  Xefi Suku Caicoli, Hipolito Marques Sarmento, demokrasia modelu Timor Leste  fo liberdade ba  sidadaun sira atu halo sasan tuir sira nia hakarak hanesan problema arte marsiais no problema social sira seluk neebe akontese iha rai laran.

 Ita nia demokrasia neebe fo dalan ema oho malu, sunu uma no baku estraga ema nia kareta motor no sasan sira seluk, tanba demokrasia TL laiha limite,”   dehan Hipolito ba  STL iha sede suku caicoli Dili Kinta (7/2/2019).

Xefi Suku Caicoli nee informa Timor Leste implementa sistema domokrasia liberal. Tanba  liberdade Timor Leste  laiha flonteira,  konsekuensia  husi liberdade nee  mak agora akontese, oho malu soe bebe, sunu uma no problema sira seluk.

Timor Leste tuir Hipolito lalika implementa kodigu penal fraganta deleitu nunee ema neebe halo problema sala ka los polisia kaer ona ba sulan tiha iha kadeia, nunee tribunal prosesa lai foin husik fali.

Lei Indonezia nian ema halo problema oho ema, polisia ba  kaer iha fatin akontesementu.  Lori  ba sulan iha kumarka, maibe nia halo problema ka oho ema halai tiha liu 24 oras tenke hein fali surat kapturasaun husi tribunal, tanba bazea ba kodigu penal praganta deleitu ida nee ladiak,” esplika Hipolito.

Nia husu ba ukun nain atu implementa demokrasia ida  limite labele livre liu, nunemos aplika lei hanesan mos Indonesia nian, kuandu halo problema baku malu ka oho malu sala ka los polisia kaer lori ba sulan tiha iha kadeira, nunee tribunal prosesa los husik livre, maibe se sala kontinua kumpri too remata.

Tuir Primeiru Ministru Malaysia, Mahatir Mohamad, sistima demokrasia, sistima atu regula nasaun, maibe komunidade tenke kumpriende nia prakazu demokrasia nian.

Katuas lia nain Postu Administrativa Fatuberliu, Januario Amaral, dehan estadu ou governu implementa sistema demokrasia diak, ukun iha ona, maibe bandu laiha. Nunee ema halo buat ruma tuir deit sira nia hakarak.

Iha biban nee STL nota katak ema balun hanoin sistema demokrasia nee hanesan ema halo toos ho natar hahu husi rohan ba too rohan, maibe demokrasia nee iha limite iha regras buat nebe mak bele halao no buat nebe mak  labele halao.

Sistema demokrasia mudelu TL lei bele diak, maibe konsensia ema laiha mak lei nee sei labale implementa iha  realidade hanesan agora governu kria dekretu lei konaba ema labele soe foer arbiru, nomos ema labele estraga bee mos no sira seluk. Maibe ema la rona.  Augusto da Costa

Komentariu

Facebook Comments

Leave a Reply

Your email address will not be published. Required fields are marked *