Dada Kadoras Mai TL, Lideransa Tenke Hamutuk

Dada Kadoras Mai TL, Lideransa Tenke Hamutuk

- in Nasional
455
0
POLITIKA e LEI

DILI- Timor Leste asina ona akordu Fronteira Maritima ho Australia maibe, seidauk bele dada kadoras mai Timor leste, tanba nee atu dada kadoras mai, lideransa partidu politik sira tenke hamutuk.

Prezidente Partidu Demokratiku, atual Ministru Estadu Rekursu Minerais, Mariano Assanami Sabino hateten, posibilidade boot bainhira dada kadoras mai Timor Leste maibe, importante maka lideransa politika tenke lian ida deit, para atu bele dada mai iha nee.

Ita nia kampania nee atu halo bee mos, estrada, edukasaun, saude no halo moris diak ba povu, ba FM nee ita nia luta hamutuk. Ita nia prinsipiu rezistensia neebe maka ita luta nafatin depende ukun rasik aan, depende soberania, depende buat neebe diak ba rai ida nee, interese nasional, lalika kahur sasan, se ita kahur sasan nee ita sala,” dehan Ministru Assanami, ba jornalista sira, bainhira remata inagurasaun sentru turistiku, iha Lecidere, Dili, Segunda, (12/03/2018).

Nia dehan, buka material kampania neebe diak liu progresivu liu ba atu dezenvolve rai ida nee lao ba oin. Buat ida neebe ke antes partidu hotu hotu iha, Fretilin iha antes kedan, kuandu PD iha oposizaun PD toka kedan sasan sira nee hotu, ohin konsistente nafatin.

Entretantu Direitor ONG FONGTIL, Arsenio Pereira hateten, hanesan sosiadede sivil Timor oan hanoin, hotu hotu kontinua nafatin esforsu no fo apoia ba negosiador prinsipal hodi hateten katak, kadoras dada mai Timor Leste, labele dada ba Australia. Notisia kompletu lee iha jornal edisaun Kuarta (14/03/2018). Carme Ximenes/ Maria Lay

Facebook Comments

Leave a Reply

Your email address will not be published. Required fields are marked *