D. Norberto: Kiak Neebe Jesus Halo, Ikus Mai Lu-Olo Sai Prezidente

D. Norberto: Kiak Neebe Jesus Halo, Ikus Mai Lu-Olo Sai Prezidente

- in Nasional
109
0
Mgr Norberto Amaral

DILI – Bispu Dioseze Maliana, Dom Norberto Amaral iha humilia hateten, kiak no terus neebe Jesus halo ohin loron mosu mai Prezidente Lu-Olo, atu sai Prezidente RDTL ba ema hotu.

Kiak no terus ida neebe nai jesus halo, mak ohin loron mosu mai tan Prezidente Lu-Olo atu sai Prezidente RDTL ba ema hotu, maibe labele haluha 24 anus han deit hateke tun sae, toba mos matan ladukur, toba iha udan laran, no ai laran, ikus ita hetan liberdade,” dehan D. Norberto iha homilia, bainhira prezide Misa aniversairu 15 anos indepnedensia no Tomada de pose Prezidente eleitu RDTL Francisco Guterres Lu-Olo, iha Igreza Katedral Dili, Kinta (18/05/2017).

Maske nunee Dom Norberto hateten, heroi sira neebe mate, nia ruin balu too agora buka seidauk hetan, I balu sira sei moris Governu lafo atensaun, haruka simu tiha reforma nein kondisaun mos laiha, sira moris terus nafatin.

Iha biban nee mos Dom Nolberto hateten, Ema balu mosu hakarak halo Timor Leste sai diak, maibe balu mos mai lakoi , hanesan lei pensaun vitalisia nian neebe ema hotu ezije , halo kontrusaun Estrada neebe ba povu agrikultor sira buka moris, maibe to fulan ida rua Estrada aat fila fali ona.

Iha fatin hanesan Prezidente eleitu RDTL Francisco Guterres Lu-Olo hateten, selebrasaun misa agrdesementu, lori sarani sira hotu hamutuk ho nai ulun sira, ho bispu, padre no madre sira, hasae orasaun ba nai maromak, hodi fo tulun hodi hakat liu tan prosesu istoriku nee.

Partisipa iha Misa aniversariu kinzi anus indepnedensia no Tomada de pose Prezidente eleitu RDTL Francisco Guterres Lu-Olo, iha Igreza Katedral Dili maka hanesan, Prezidente eleitu RDTL Francisco Guterres Lu-Olo ho ninia espoza Cidalia Guterres, Ministrus Interior Longuinhos Monteiro ho ninia espoza, Jeneral Lere Anan Timor, membru Governu, membru PN, Veteranus, Amu Bispu Dioseze Malian Dom Nolberto Amaral, Padre, madre, no estudante sira. Carme Ximenes/Raimundo Fraga

Facebook Comments

Leave a Reply

Your email address will not be published. Required fields are marked *