D. Basilio: “Tinan 500, Misionariu Kuda Fini Iha Timor, Too Ohin Loron 97% Timor Katoliku”, Becora Entrega Kruz Joven no Ilas Nain Feto ba Parokia Balide

D. Basilio: “Tinan 500, Misionariu Kuda Fini Iha Timor, Too Ohin Loron 97% Timor Katoliku”, Becora Entrega Kruz Joven no Ilas Nain Feto ba Parokia Balide

- in Notisias Online
1209
0
11059960_1665611703668575_2131073802386153984_n

DILI-Administrador Apostoliku Dioseze Dili, Dom Basilio do Nascimento hateten, durante tinan 500, misionariu sira hahu husik fini too iha ilha Timor, nia rezultadu maka too ohin loron 97% Timor Katoliku.

Fiar katoliku nee katak D. Basilio labele sai fiar leet deit, ka naran maka Pais katoliku, maibe tenki hatudu mos ho hahalok, oinsa mak 97% katoliku nee bele sai santo, no halo Timor nia naran sai morin hanesan pais katoliku.

Ita selebra 500 anos, ita hare ba kotuk maibe hanoin mos buat nebe ohin loron sai hanesan dezafiu ba ita katoliku Timor oan sira, oinsa mak ita prepara, ita nia moris, ita nia uma kreda, oinsa mak ita eduka ita nia an iha uma kreda, atu haburas ita nia fiar, hametin no haboot ita nia fiar iha tinan 500 mai nee,” dehan D. Basilio liu husi homilia, wainhira preside misa krisma, iha igreja Sagrado Corasaun de Jesus, Becora, Sabado (18/7/2015).

D. Basilio hateten ho Maromak nia grasa maka too ohin loron durante tinan 500 nia laran 97% Timor katoliku, maske buat lubuk ida maka sei sabraut. Maibe ho tulun Kruz Santa no Ilas Nain Feto Peregrina, nebe lao hadulas Timor, bele hametin liu tan fiar nebe sarani sira iha.

Parokia Becora Entrega Kruz Joven no Ilas Nain Feto ba Parokia Balide

Iha parte seluk, Domingo (19/7) sarani parokia Becora entrega hikas Krus Santa no ilas Nain feto Peregrina ba Parokia Imaculada da Conceicao Balide.

Wainhira preside misa ba dala ikus hamutuk ho Kruz Santa no Ilas Nain Feto Peregrina, padre Parko Becora, Pe. Guilhermino da Silva hateten, durante visita semana ida, hare fila fali ba semana kotuk, prezensa Kruz Santa no Ilas Nain feto Peregrina halibur sarani hotu iha fatin ida nee, parokia Becora.

Maluk sira, se ita hare ba loron hitu ba kotuk, ita bele reflete oinsa Nai Maromak Halibur ita ho prezensa sinal Kruz Joven nian iha ita nia parokia, Maromak fanun ita hotu, halibur ita hotu atu ita hamutuk iha parokia ida nee, iha bairo sira nebe krus nee liu,” dehan Amo Guilhermino.

Ho prezensa Kruz Joven, katak amo Parko, Maromak bolu ema hotu atu konhese malu, tamba sarani hotu mesak Maromak nia ema nebe nia sosa kotu ho nia ran iha Kruz Santa.

Hafoin remata misa, padre Parko Becora, akompanha husi Padre Bento Barros, no padre sira seluk, madre sira, akolitus, konsellu pastoral parokia Becora, seguransa, inklui sarani sira, akompanha Kruz no Ilas Nain Feto Peregrina liu husi prosesaun nebe halao husi Igreja Becora, ba too iha baliza entre parokia Becora no Balide iha Kuluhun, hodi entrega Krus Joven no Ilas nain Feto Peregrina. Informasaun kompletu iha STL Jornal no STL Web, edisaun Segunda (20/7).  Josefa Parada

Komentariu

Facebook Comments

Leave a Reply

Your email address will not be published. Required fields are marked *