CVTL Filial Dili Sosializa Fase Liman

CVTL Filial Dili Sosializa Fase Liman

- in Metro
565
0
Fase Liman

DILI-Cruz Vermelha Timor-Leste (CVTL) Filial Dili, sosializa ka halo kampaina fase liman ho sabaun ba estudante sira iha Eskola Bazika Filial (EBF) Taur Matan Ruak iha Lahane, Dili, Sabadu (14/10/2017).

Iha sosializasaun nee sira foti tema, “Ita Nia Liman, Ita Nia Futuru (Our Hand, Our futuru)” hodi prevene moras diaréia no moras sira seluk.

Koordenador CVTL Filial Dili, Martinha Mendonça esplika, atividade refere sira halo ho objetivu atu komemora Loron Mundial Fase Liman ho Sabaun ba estudante sira hodi hadook aan husi moras.

Atividade nee ami koopera ho EBF Taur Matan Ruak, hodi komemora Loron Mundial Fase Liman alin sira konaba maneira atu fase liman ho sabaun, depois fila husi sintina ka atividade ruma antes han,” nia afirma.

Alende nee, sira mos halo atividade neebe foka ba joventude konaba desportu, limpeza jeral, no dada hela bee ba komunidade balu iha Ataúro.

Relasiona ho sira nia sosializasaun nee, CVTL Filial Dili husu inan-aman no profesor sira atu apoia no promove informasaun fase liman ho sabaun, liliu fila husi haris fatin. Ho nunee bele hasa’e sira nia konesimentu konaba fase liman ho sabaun.

Iha fatin hanesan, Diretor EBF Taur Matan Ruak, Alvaro de Deus konsidera atividade refere importante no ajuda professor sira hodi eduka labarik sira konaba abitua fase liman ho sabaun iha uma no iha fatin neebé deit.

Agradese ba CVTL Filial Dili tanba lokaliza sira nia programa nee iha ami nia eskola. Espera katak, ita tempu seluk fahe mos informasaun ba estudante sira liuliu iha primeiru sokoru nian hodi bele ajuda sira seluk se kazu kolega ida hetan dezastre”.

Programa fase liman ho sabaun nee, ekipa CVTL Filial Dili halo mos simulsaun liu husi mekanizmu fase liman ho diak no fo pratika mos ba estudante sira.

Bainhira mak fase liman; molok kaer hahan, hafoin kaer fo’er, hafoin ba hari’is-fatin, hafoin hamoos inus, hafoin fani no me’ar, hafoin troka farda, hafoin kaer kanek no moras sira, hafoin hamaus animal sira nomos fase liman neebé loos tenke fase ho sabonete no ho durasaun minutu ida”. Tenik diretor EBFTMR

Entertantu estudante Justiliano da Silva ba stl katak, kontente tebes tamba maun no bin sira bele mai iha ami nia eskola hodi fahe informasaun ba ami estudante sira kona ba fase liman ho sabaun.

“Liuhusi informasaun ida nee bele ajuda ami, para bainhira ami ba halimar ka ba hariis fatin, ami tenke fase liman molok atu han. No informasaun ida nee diak tebes ba ami estudante sira, oinsa ami kuidadu ami nia aan hodi moras labele adaet ba ami liuhosi foer neebe iha ami nia liman”. Estajiadu UNTL-1.

Komentariu

Facebook Comments

Leave a Reply

Your email address will not be published. Required fields are marked *