Comunitas Pazero Sport Vizita TL

Comunitas Pazero Sport Vizita TL

- in Desportu
12813
0
Kareta PN

DILI — Comunitas Pazero Sport hamutuk nain 30 husi nasaun Indonezia sei vizita Timor-Leste hodi festeza tinan foun hamutuk ho povu Timor.

Tuir pedidu neebe Polisia Nasional Timor Leste (PNTL) simu, comunitas nee sei tama mai TL liu husi fronteira rai maran, Atambua, Tersa (26/12).

Sira agora dadauk iha fronteira hodi prosesu andertivu para tama mai Timor Leste, ami halo ona kordenasaun para komandu PNTL Munisipiu Maliana ho Unidade Polisia Fronteira (UPF), sei akompana sira mai too iha Loes, no komandu Munisipiu Liquica sei simu ho nia karakter estafeta lori mai Maubara sei iha atividade fahe livru ba estudante sira iha Maubara,” dehan Segundu Komandante Munisipiu Dili, Superintendente Asistente, Euclides Belo nia iha nia knar fatin, KMD, Caicoli-Dili (26/12/2017)

Nia hatutan depois deskansa oras ida ka rua iha Postu Administrativu Maubara, sei kontinua tama mai Dili, Polisia Munisipiu Dili sei simu sira prezensa comunitas nee iha Tibar akompana lori ba hotel Timor hodi festeza tinan foun  iha Timor.

Sira mai nee sira atu festeza deit tinan tuan no foun iha Timor, maibe sira iha Dili orsida kalan deit, aban sira tenke fila tanba sira sei ba fali iha illa seluk iha Indonezia,” dehan nia.

Euclides informa, PNTL Munisipiu Dili agora preparadu atu simu maluk comunitas Pazero Sport no garante seguransa durante sira nian prezensa Dili espesialmente Hotel Timor.

Orsida tuku 3 lokraik (red Tersa), ami sei blokeia dalan hotel Timor nian para fo fatin ba comunitas pazero sport bele para iha nee ba,” tenik Belo.

Nia husu publiku atu kompriende tanba comunitas hirak nee tama mai sei selu taxa ba estadu, alen ida nee mos loke timor nia liras ba ema hotu para bele tama mai Timor tuir regras no prosedementu neebe estabelese ona.*

Facebook Comments

Leave a Reply

Your email address will not be published. Required fields are marked *