CNRT Seidauk Reuniaun

CNRT Seidauk Reuniaun

- in Politics
60
0
images (7)

Editor: Godinho Barros

DILI-Hafoin Proposta Orsamentu Jeral Estadu (OJE) 2020 sumba iha debate  jeneralidade,  Palmanetu Nasional, partidu  Partidu Congresso Nacional de Reconstrução de Timor (CNRT) seidauk Reuniaun.

Deklarasaun nee hatoo husi Prezidente Konsellu Diretivu Nasional (CDN), Dionisio da Costa Babo Soares ba Jornalista iha Palasiu Governu Terasa (21/01/2020).

Hanesan kuadru CNRT nia hau hanoin katak desizaun nebe foti ona CNRT seidauk reuniaun,  klaru ke  sei tuir prosedementu normais instituisaun partidu nian, dehan Babo.

Nia dehan, deklarasaun  Primeiru-Ministru, Taur Matan Ruak nian antes nee labele hakfodak ho prosesu politiku, tanba situasaun politiku sira hanesan nee hanesan  atmosfera konstitusional nasaun  hotu hotu  nia  iha mundu akontese hanesan maibe importante mak nasaun labele monu no labele aat.  “Nee iha atmosfera konstitusional nasaun  hotu hotu  nia  iha mundu akontese maibe importante mak nasuan labele monu no labele aat, ita tuir nafatin mekanismu konstitusional neebe iha  maibe Primeiru Ministru hatete entrega ba prezidente da Rerpublika  mak deside,”d ehan nia

Tuir nia katak, partidu AMP neebe mai husi bloku koligasaun partidu KHUNTO, PLP no CNRT, ida idak mak sei halo reuniaun nivel partidu nia hodi deside no fori medida saida mak ba oin.

Partitu hotu liu liu CNRT hanoin diak ba nasaun , la iha partidu ida hanoin aat ba nasaun, partidu hotu hotu hanoin ba nasaun, maske   lider sira iha hanoin  diferensia mais sira iha hanoin diak  no koalia hodi buka medida oinsa mak bele hakat liu prosesu nee, tenik nia

Dionisio relata, mudansa governu nee prosesu ida normal , no bele lalika hakfodak, tenke tuir  prosesu no  rona komentador sira koalia oinsa, maibe tenke lao tuir mekanismu konstitusional neebe iha.

Maske Primeiru ministru hanesan Portavos AMP nian koalia tanba bazeia ba desizaun neebe mai husi parlamentu nasional maibe hanesan governu tenke lao tuir konstituisaun  too iha governu foun.

Iha sorin seluk Deputadu Bankda KHUNTO, Luir Roberto konsidera deklarasaun Primeiru ministru antes konaba AMP, nee koalia nuudar primeiru ministru maibe la koalia nuudar prezidente partidu  politiku.

Informasuan neebe ita nia primeiru ministru fo sai iha media nee nuudar primeiru Ministru la koalia nuudar prezidente partidu politika, dehan Luis

Nia hatutan  normalmente kuandu proposta OJE  ba iha  PN kuandu sumba, nuudar xefe governu iha direitu para koalia maibe nuudar primeiru ministru laos nuudar lider politika.

Maske Primeiru Ministru deklara katak AMP la esziste maibe bloku koligasaun  husi partidu KHUNTO,PLP no CNRT seidauk iha partidu politika ida mak deklara atu sees aan husi AMP. “Depois de diskusaun OJE sumba iha PN ami AMP, too seidauk iha enkontru, maibe ami fiar katak amia sei tuur hamutuk hodi koalia fila,” dehan nia.

Nune mos Jurista Timor oan, Avelino Coelho katak, lei fo dalan hela, OJE 2020 la liu laos governu monu. Governu so monu kuandu artigu 108, 109, 110, 111, neebe mak referensia iha artigu 112,  nee mak implika governu monu, kuandu programa la liu ba dala rua mosaun sensura liu  ida votus konfiansa  ida laliu, governu monu maibe prezidente mos hare nafatin ba artigu 112.  “Kompetensia iha prezidente tanba nee mak ita hanoin halo esforsu depois bolu lider sira tuur hamutuk hare situasaun  ida nee labele liu duni ona foin ba eleisaun antisipada,  mas dalan sei naruk,” argumenta Coelho. Luciana Ximenes/ ESTI 01

Komentariu

Facebook Comments

Leave a Reply

Your email address will not be published. Required fields are marked *