CNRT Labuka Ema

CNRT Labuka Ema

- in Politics
218
0
FOTO: STL/ GUILHERMINA FRANCO
HATAN- Xefe Bankada CNRT Duarte Nunes, hatan perguntas jornalista sira nian iha uma fukun Parlamenti Nasional, Segunda (10/2/2020).FOTO: STL/ GUILHERMINA FRANCO HATAN- Xefe Bankada CNRT Duarte Nunes, hatan perguntas jornalista sira nian iha uma fukun Parlamenti Nasional, Segunda (10/2/2020).

Editora: Carme Ximenes

DILI– Partidu Consello Nacional Reconstrução de Timor, husu partidu boot sira buka malu hodi forma governu foun, maibe pozisaun CNRT nian sei la buka ema.

Xefe Bankada CNRT, Duarte Nunes  hatoo Kestaun nee  relasiona ho dialogu neebe Prezidente Republika (PR), organiza ho lider istoriku sira, atu fo fila ba partidu ho asentu iha Parlamentu Nasional, tuur hamutuk hodi buka solusaun.

CNRT nia pozisaun atu buka malu laiha, tanba ami buka ema depois ami ba, depois ema nee tama, ami haree deit, tanba pozisaun PR la fo pose ba ami nia ema signifika ba oin mos ami buka ema, ami kolen saugati deit, hatete Duarte ba jornalista sira, iha PN, Dili, Kuarta (12/02/2020).

Nia hatete, kuandu dehan partidu Politiku sira neebe iha asentu parlamentar signifika, partidu neebe iha reprezentasaun iha PN, laos deputadu sira mak atu buka malu.

Tanba nee husu atu partidu boot sira buka malu, entende malu para depois dada malu ba aprezenta aan katak prontu, maibe CNRT sei la buka ema.

Deputadu nee haktuir tan katak, ho CNRT nia pozisaun nee, espera katak , sira iha leten hasoru malu no fiar katak, PR sei konvida fila partidu CNRT, depois Prezidente mos bele akompana ba para fo kontribuisaun, atu nunee saida mak sira bele kontribui hodi bele hetan solusaun.

Ami atu buka malu, ami seidauk iha orientasaun, ami iha intervista nee, Prezidente Partidu CNRT nian klaru kedas iha neeba , ami sei la ba buka, tenik Duarte.

Nia hatete, agora buat hotu iha PR nia liman, depois enkontru lider partidu sira, sosiedade sivil entidade hotu-hotu neebe PR komvida hodi koalia hotu ona.

Nunee mos Xefe Bankada PD Antonio da Conceicão hatete, dialogu nee labele haree involvimentu XG nian ho prezensa fizika, tanba karta PR haruka ba parpol hotu konsta duni katak bele hatoo pensamentu por eskrita, tanba nee PD mos aleinde ba hasoru, sira mos hakarek, situasaun hanesan nee PR tau iha karta nee lasala XG haruka resposta eskrita.

Nia dehan, agora nee konsiderasaun neebe mak PR nee atu haree resposta liu husi karta nee bele konsidera iha prosesu kalae, maibe nee ema hotu lahatene, tanba karta nee XG haruka PR laos ba ema hotu ka atu atu publika iha media para ema hotu haree lae.

Ba ami prezensa nee laos dehan laimportante, importante, maibe hau mos hanoin importante atu lider sira asume institusional, hanesan PR tenke asume kompetensia nudar Xefe Estadu, PM tenke asume kargu nudar Xefe Governu, ba PN ho nia kompetensia neebe reprezenta PN tanba nee aujensia XG nian nee hatudu katak orgaun estadu sira hela, neebe nia aujensia ladun influensia, hatete Antonio.

Nia esplika, kuandu XG ema hotu konsidera dehan aman nasaun nia bele ba ketak ho PR hodi koalia, nunee PR mos bele hanoin katak sira bolu malu hanesan uluk iha ailaran hamutuk, nee mak ema dehan sedensia politika, tenke hatete fo no husik buat ruma. Labele foti buat hotu, i bele akontese lakon buat boot.

Deputadu Antonio mos iha konfiansa katak, iha kapasidade atu halo buat sira nee diak fali, tanba ohin loron nee hanesan reflesaun ida ba deskontente neebe iha, neebe buat nee presiza husu ema hotu hatuur interese nasional, no promesa iha tempu kampana, tanba governu atu defende interese povu laos, defende interese partidu no grupu.

Entretantu jornalista koko konfirma ho deputadu sira husi Bankada FRETILIN, maibe liu husi midia office Bankada nian hatete katak, sira seidauk bele fo komentariu, tanba nee hein tempu seluk. Reportajen : Guilhermina Franco / Jeniche da Costa

 

Komentariu

Facebook Comments

Leave a Reply

Your email address will not be published. Required fields are marked *