CNRT Kestiona China Loke Klinika Hanesan Kios

CNRT Kestiona China Loke Klinika Hanesan Kios

- in Nasional
121
0
Aderito Hugo

DILI-Bankada CNRT iha Uma Fukun Parlamentu Nasional, kestiona China sira neebe mak loke klinika hanesan kios,  hodi faan aimoruk iha rai laran.

Deputadu Aderito Hugo husi bankada CNRT hatete, Iha Dili ema loke klinika hanesan fali loke kios Primeiru Ministru, aimoruk sira neebe fan China nia lian hotu, povu  maioria  lahatene le china nia lian, mais aimoruk bele tama mai iha rai laran.

Horseik hau rona intrevensaun balu ayam potong husi Brasil hadulas tiha mundu mai Singapura mai to Timor Leste, ita kunsumi ayam potong, mais ita lahatene katak aimoruk mos mai ita le ita lahatene, ema sira neebe fan aimoruk kolia tetun mos lahatene, kolia Portugues mos lahatene, bahas mos lahatene mais nia brani mai iha Timor fan aimoruk, mais ida ita husik deit nunee,” dehan deputadu Aderito, liu husi intervensaun bankada CNRT, bainhira debate OJE 2019 na parte jeneralidade, iha PN, Dili, Tersa ( 11/12/2018).

Deputadu Aderito mos lakoi kestaun hanesan atu akontese iha rai laran, jestor sira iha saude favour hare asuntu ida nee, labele hare bainhira mak atu halo akijasaun ba aimoruk, bainhira mak produk nee mosu para  halo fali proposta hodi hetan tender, mais  lahare regulamentu neebe diak para aimoruk neebe mak Estadu nian ba knal neebe los, aimoruk neebe mak seitor privada sira neebe mai fan iha nee tenke aimoruk neebe iha lisensa.

Iha fatin hanesan deputada Maria Agelica husi bankada FRETILIN hatete Agora mak ita boot sira foin kestiona, uluk imi ukun durante tinan sanulu nee ba iha neebe, lei neebe mak PN aprova nee nusa laimplementa,” dehan deputada Maria Angelica.

Entretantu Vise Ministru Saude Bonefasio Maukoli do Santos hatete “Ita iha kontrolu tanba nee mak fo lisensa, kuandu lapriensia kriteira ita lafo lisensa ,” dehan Vise MS Bonefasio. Notisia kompletu lee iha jornal STL edisaun Kuarta (12122018). Carme Ximenes

Facebook Comments

Leave a Reply

Your email address will not be published. Required fields are marked *