CNRT Hakarak Ukun Mesak Iha 2017

CNRT Hakarak Ukun Mesak Iha 2017

- in Notisias Online, Top News
919
0
CNRT

DILI – Partidu Congresu Nasional Rekonstruksaun Timorense (CNRT) tuir planu hakarak ukun mesak iha elisaun tinan 2017, hodi bele atinji povu nia mehi ba dalan moris diak.

Deklarasaun nee fo sai husi Prezidente Klibur Profesional Partidu CNRT, Miguel Manetelu, liu husi konsolidasaun estrutura partidu neebe mak halao iha Suku Balibo Vila, Postu Administrativu Balibo, Municipiu Bobonaro.

Iha 2012 ita manan maioria maibe ita la konsege atinji saida mak ita hakarak nee so ita ukun mesak, tanba hahu husi IV governu too VI governu ita la kaer ukun mesak tanba nee ita nia promesa hotu iha kampaina eleitoral ita la konsege implementa hotu tanba deit ukun hamutuk ho partidu sira seluk tanba nee husu ba imi hotu atu servisu makas tanba hakarak atinji objetivu hotu maka 2017 ita tenke ukun mesak,”dehan Manetelu.

Nia husu ba militante partidu CNRT tomak atu servisu makas hodi bele kontinua mantein ho numeru neebe mak CNRT hetan ona iha elisaun 2012, hodi kontinua aumenta votus iha tinan 2017 tanba tuir nia CNRT mak bele hasai povu husi kiak nia laran ba dalan moris diak.

Iha fatin hanesan Vise Koordenador Partidu CNRT Municipiu Bobonaro, Marcos Xavier, mos hatete depois mosu remodelasaun iha Kintu Governu Konstitusional CNRT fo ukun ba maluk partidu seluk, tanba deit intrese nasional tanba nee iha tinan oin CNRT hakarak kaer ukun mesak. Informasaun kompletu iha STL Jornal no STL Web, edisaun Tersa (8/3/2016). Thomas Sanches

Facebook Comments

Leave a Reply

Your email address will not be published. Required fields are marked *