CNRT Domina iha Strutura Governu Foun, Maun Alin Kontinua Tama Governu

CNRT Domina iha Strutura Governu Foun, Maun Alin Kontinua Tama Governu

- in Notisias Online, Top News
1550
0
CNRT

DILI- Partidu Concelho Nacional Rezistensia Timorense (CNRT) domina iha strutura Sestu Governu Konstitusional ho total 18. Iha strutura VI Governu Konstitusional mos sei kontinua ho jerasaun maun alin nebee okupa kadeira membru governu.

Struktura Sestu Governu Konstitusional nee domina ho membru governu nebee mai husi partidu mais votadu iha Parlamentu Nasional, maka hanesan CNRT nebee ho kadeira 18. Tuir kedan partidu PD ho kadeira 6, Frente Mudanca okupa kadeira 2 no iha mos partidu Fretilin nebee okupa kadeira 4.

Maibe, iha Sestu Governu Konstitusional nee mos membru governu balun mai husi independente nomos husi partidu PST.

Parte seluk, partidu CNRT nudar partidu mais votadu indizita ona Primeriu Ministru foun, Rui Maria de Araujo hodi troka Primeiru Ministru Sesante, Kay Rala Xanana Gusmao. Aseitasaun husi Partidu CNRT nee mos, hetan ona apoiu husi Prezidenti Republika, Taur Matan Ruak.

Primeru Ministru Kay Rala Xanana Gusmao Sesante rasik hahu lidera governu iha Kuatru Governu Konstitusional ho naran Aliansia Maioria Parlamentar (AMP) no iha eleisaun 2012, Xanana kontinua lidera governu ho naran Bloku Koligasaun nebee forma husi partidu CNRT,  PD  No Frente Mudansa ba Kintu Governu Konstitusional. Maibe, iha dalan klaran foin mak ukun tinan rua ho balu, Xanana Gusmao husu rejignasaun nebee aseita mos husi Prezidenti Republika Taur Matan Ruak, maka Xanana la konsege lori ninia membru iha Kintu Governu Konstitusional to remata iha 2017. Informasaun kompletu iha STL Jornal no STL Web, edisaun Kinta (12/2/2015). Armandina Moniz

Facebook Comments

Leave a Reply

Your email address will not be published. Required fields are marked *