CNE Sei Halao Sorteu Numeru ba Partidu Politika

CNE Sei Halao Sorteu Numeru ba Partidu Politika

- in Politics
412
0
CNE

DILI-Antes atu halo eleisaun ba Parlamentar iha dia (22/7/2017) Comisaun Nasional Eleisaun (CNE) iha loron (3-11/6/2017) sei halo sorteu numeru ba partidu politika nunee, sorteu hotu sei haruka ba CNE no STAE.

Komisariu CNE Bernado Cardoso liu husi debate Dili Demokrasi Forum STL TV iha Surik Mas Dili, Kuarta (17/5/2017), nune mos antes loron lima (5) atu tama ba Kampana Partidu Politika sira tenke hatama kalendariu mai iha CNE, nunee CNE hetan aprovasaun. Oinsa Partidu politika sira bele kumpri kalendariu neebe sira hatama atu nunee bele hamenus violensia ou konflitus, bainhira se mak kontra CNE haruka polisia kaer kedas.

Tuir Bernado bainhira “ita la difini kalendariu nee bele mosu violensia” tanba nee tenke hamosu kalendariu ida Partidu politika sira mak hatoo, hodi aprova iha plenariu. Nunee Partidu politika sira labele soke malu iha fatin neebe determina.

Prezidente Partidu Dezemvolvimentu Nasional (PDN) Fernando Gusmao, hateten katak  PDN Perperadu atu simu eleisaun Parlamentar militante no simpatizante metin nafatin. Hanesan Partidu neebe konkore iha eleisaun “ami husu ba CNE atu akompana no kompri regras neebe mak iha ona” nunee prosesu eleisaun nee too iha anunsia resultadu iha tribunal labele mosu desteentendementu manipulasaun ka mosu buat oin-oin.

Tuir Fernando, CNE tenke brani koalia karik Partidu balun halo buat balun lalos liu-liu hanesan CNRT sira mak nomea membru CNE, maibe nia fiar katak CNE iha krebilidade. Imparsialidade neebe, fiar katak CNE sei halao sira nia knar ho diak, “ita hotu-hotu hakarak prosesu demokrasia nee lao ho diak, lao ho paz, nunee resultadu nee ema simu ho kontenti,” nia salenta.

Sekretariu Jeral Partidu Kamanek Habuar Unidade Nasional Timor Oan (KHUNTO) Antonio Verdial, husu ba CNE atu sai lider neebe furak no kmanek ba povu Timor Leste, husu ba povu tomak ka militante tomak laharee ba Partidu saida deit. Hot-hotu tenke respeita patriamoni Estadu, tenke respeita Partidu istoriku sira, no tenke respeita partidu hot-hotu hanesan forsa politika labele hanesan aikakeu hanesan Partidu KHUNTO karik hili KHUNTO “hau nia mak Khunto” , lao ho disipina labele halo baruillo fiar ba Estadu, tanba Estadu mak boot liu Partidu hotu,  Antonio salenta.

Francisco Guteres husi CNRT hateten katak CNRT nia kampana desde 2007 too agora sempre asegura estabilidade, no kumpri regras neebe mak iha mesmu partidu sira iha forsa politika ou poder politika. Maibe oinsa atu fofiar ba CNE halao sira nia knar tuir lei neebe mak iha, maibe nia fiar katak CNE sei kaer metin ba sira nia principiu hakarak rai nee lao ho diak. Augusto da Costa

Facebook Comments

Leave a Reply

Your email address will not be published. Required fields are marked *