CNE Manatuto Sei Tama Sai Uma

CNE Manatuto Sei Tama Sai Uma

- in Distritu
2181
0
CNE

MANATUTO – Comisaun Nasional Eleisaun (CNE), Munisipuiu Manatuto sei lao tama sai uma, hodi halo edukasaun votante ba komunidade sira.

Tuir Sebastiao Sarmento katak, CNE Munisipiu Manatuto iha ekipa rua, ekipa ida lao sai uma hodi halo edukasaun votante ba komunidade sira, no ida halo observasaun ba kampania partidu politiku sira nian.

Ami iha ekipa rua, ekipa ida ba halo edukasaun votantes ba ita nia komunidade sira, ekipa ida halo observasaun ba kampania no dialogu ho Parpol sira,” dehan Sebastiao Sarmento nudar official monitorizasaun.

Nia dehan, Durante observasaun ba partidu politiku sira halao kampana, buat hotu lao diak, maibe ho kondisaun udan maka dala ruma halo sira nia Dialogu iha falailansu tekniku ruma.

Durante ami sai observador, buat hotu lao ho diak, hare ba iha area seguransa mai too iha isu sosa votus, iha area Salau nee laiha,” dehan Sebastiao.

Sebastiao hateten, Posto Administrativu Soibada delegadu hamutuk nain 7, maka sai observador iha Kampania Presidensial nian mai too iha Kampana Parlamentar.

Ami nain 7 maka delega ona husi Postu Munisipiu Manantuto, hodi halao servisu durante tempu kampana,” Sebastiao hateten.

Entretantu Postu Munisipiu Manatuto rasik hamutuk iha postu neen, Manatuto Vila, Laleia, Laclo, Laclubar, Natarbora ho Soibada, kada postu iha ona delegaasaun rasik atu tau ba iha kada postu, hanesan mos iha tempu Eleisaun mai.

Iha fatin hanesan Custodio Sarmento nudar komunidade husi Suku Leo Hat hateten, Aldeia Malesun sei simu edukasaun votantes husi CNE, ema sira nebe maka matan aat no ferik katuas sira nebe labele lao dook, CNE sei lao tama sai uma hodi fo edukasaun votatantes.

Alende nee Jose da Costa hanesan komunidade hateten,” Ho edukasaun votante husi CNE sira, komunidade sira bele hatene ba halo votasaun,” dehan Jose. Carme Ximenes/EST2

Facebook Comments

Leave a Reply

Your email address will not be published. Required fields are marked *