CNCS-TL Planu Monta Konsellor

CNCS-TL Planu Monta Konsellor

- in Metro
224
0
SIDA

DILI-Atu identifika risku moras Hiv-Sida Comisaun Nasional Combate Hiv- Sida Timor-Leste (CNCS-TL) planu monta konsellor ba klinika privadu hodi halo testu ba ran.

Dehan Diretur Ezekitivu CNCS-TL, Daniel Marcal ba STL iha nia knaar fatin Pantai Kelapa Dili, Kuarta (13/9/2017).

Tuir Daniel katak, objetivu CNCS-TL halo planu monta konsellor iha klinika sira neebe ejizte iha Dili, atu bele fo teste ba pasiente sira nia ran.

Tanba nee klinika privadu neebe identifika ona atu bele mon konsellor hanesan tuir mai, Klinika Bairru-Pite, Klinika Moris-Foun, Klinika Foho Osa-Mean, Chindranita, Klinika Zito, Klinika Kura Hau inklui klinika seluk tan.

Ami agora hanoin monta konsellor iha klinika privadu atu halo testu ba ran ativu, tanba buat sira nee hotu atu fo atendementu neebe aporpiadu ba maluk sira hotu,” hateten Daniel.

Nia informa iha tempu uluk klinika sira hetan kazu Hiv/Sida, maibe sira lahatene kazu Hiv-Sida nee atu rujuk ba se, mais agora iha ona lina servisu.

Nee duni, bainhira hetan ona positive Hiv-Sida, sira kontaktu ba CNCS-TL, kontaktu parte Ministeriu Saude inklui parte Konsellor sira. Atu nunee tau atensaun masimu ba ema neebe hetan moras Hiv-Sida.

Uluk lae, tanba klinika balun hetan moras Hiv-Sida, sira husik deit. Tanba nee  halo drop aut barak, ikus mosu Sida ona  tenke mate. Tanba nee mak agora presiza tebes halo  prevensaun diak ba ema neebe hetan moras Hiv-Sida.

Antes nee Atanacio de Jesus nuudar Diretur Edukasaun no Prevensaun CNCS-TL dehan,  moras Hiv-Sida susar atu halakon tanba, ai-moruk atu kura hodi halakon laiha, mais atu halo prevensaun ba ema neebe hetan moras nee hodi bele iha vida naruk  iha mak  ai-moruk   ho naran Anti Retro Viral (ARV).

Nia mos louva planu CNCS-TL kona-ba monta Konsellor iha Klinika Privadu, tanba nee inportante ema labele lakon deit tenki nafatin moris saudavel ba oin. Tanba nee, servisu hamutuk ho klinika privadu diak tebes. Jeniche da Costa  

Facebook Comments

Leave a Reply

Your email address will not be published. Required fields are marked *