CNCS – TL Halo Sosializasaun Iha ISC

CNCS – TL Halo Sosializasaun Iha ISC

- in Metro
66
0
Cristal

DILI-Comisaun Nasional Combate Hiv-Sida Timor Leste (CNCS-TL), halo sosializasaun ameasa moras Hiv-sida ba ema nia vida liliu ba estudantes iha Institute Superior Cristal (ISC).

Iha sosializasaun nee marka prezensa mos husi polisia imigrasaun, primeira dama Timor Leste  (TL), Cidalia Guterres, direitor ezekutivu fundasaun Cristal, Agostinho Goncalves, reitor ISC, Sebastiao Perrreira, inklui dosente no estudantes husi institute  refere.

Tuir Direitor ezekutivu  CNCS-TL, Daniel  Marcal, komisaun haree liu ba ameasa boot ida konaba moras  Hiv-Sida,  tanba nee, sira koalia barak liu konaba impaktu husi virus  Hiv-Sida, tanba nee,  CNCS hakarak atu hatete deit katak, liu-liu  ba  joven sira. Tanba, impaktu husi ransu livre nee mak bele hetan moras ida nee, entaun ohin CNCS mai iha fatin ida nee, atu bele fahe informasaun ba estudante sira, liu-liu konaba moras Hiv-Sida ninia.

Hau fo ezemplu ema balun gosta fuma sigura, tanba fuma nee bainhira mosu, tanba impaktu husi ransu, maibe fuma nee mos impaktu ba ema nian saude nee iha, maibe agora droga, tanba iha nasaun barak  sai problema boot, tanba droga nee idade produtivu barak mak involve aan iha droga, maibe  droga nee, uluk ita haree laiha,” hatete Daniel ba jornalista iha ISC Balide Dili  Kuarta (18/10/2017).

Iha fatin hanesan Primeira dama TL, Cidalia Guterres, ohin marka prezensa iha fatin ida nee,  atu bele  fo informasaun ba estudante sira katak, se hadomi moris, tenke kuidadu aan, tanba nee, ema hotu-hotu nia iha familia importante liu, oinsa mak atu bele fo hanoin ou kontrola oan sira, atu bele hadok aan husi moras ida nee.

Ohin hau mai marka prezensa iha fatin ida nee, atu bele fo informasaun ou fo hanoin uituan ba estudante sira katak, se hadomi moris, tenke kuidadu aan, tanba nee, ema hotu-hotu nian papel, no familia importante liu, oinsa mak atu bele fo hanoin ou kontrola oan sira, atu bele hadok aan husi moras ida nee, tanba nee, ita inan aman ninia papel nee importante teb-tebes, agora ita hein katak, governu no parte neebe mak kompetente, atu bele halo servisu neebe mak diak liu tan, tanba nee, joven mak sai hanesan futuru ba nasaun ida nee, presiza hadok aan husi moras ida nee,” tenik nia.

Entretantu Direitor ezekutivu fundasaun Cristal, Agostinho Goncalves, hatete, joven sira mak ikus-ikus nee sempre monu ba iha moras Hiv-Sida, tanba dala ruma sira la kompriende, no sira hanoin moras nee bele kura, maibe moras ida nee, iha mundu seidauk iha aimoruk ida mak atu bele kura moras ida nee, tanba nee, ohin sira konvida parte husi CNCS-TL, atu bele fahe informasaun ba estudante sira.

“ohin ami konvida  parte husi CNCS-TL, atu bele fahe informasaun, liu-liu  ba ami nian estudante  sira iha farmajen, parteira no fakuldade edukasaun nian, atu nunee sira mos  bele sai ajente ida, hodi  sira bele halo sosializasaun ba komunidade sira, no bainhira sira sai professor, sira bele eduka estudante sira, tanba ida nee, hau hanoin importante tebes, tanba ita tauk, se ita nian joven sira mak daet moras ida nee, entaun futuru sira nian ba aban bain rua ninia sei susar liu tan,”deha nia. Jacinta Sequeira/Luciana Ximenes

 

Facebook Comments

Leave a Reply

Your email address will not be published. Required fields are marked *