CNCS-TL Halo Inkontru Ho Espoza PR

CNCS-TL Halo Inkontru Ho Espoza PR

- in Metro
259
0
Espoza PR

DILI- Comisaun Nasional Combate HIV Sida Timor Leste (CNCS) halo inkontru hamutuk ho Espoza Prezidente Republika Timor Leste konaba programa jeral ba moras HIV Sida iha Timor Leste.

Tuir Espoza Prezidente Republika Timor Leste, Cidalia Lopes Nobre Mouzinho Guterres hateten, vizita husi Comisaun Nasional Combate HIV Sida Timor Leste (CNCS-TL) hanesan primeiru inkontru atu tau matan ba programa HIV Sida iha Nasaun ida nee.

Inkontru ida nee hanesan premeiru hamutuk CNCS-TL ho gabineti apoiu aktividade Prezidente nia. Husi inkontru nee ami hatene ona katak husi vitima ka pasiente neebe kona ona moras Hiv Sida nee barak, no mos numeru mate mos sae makas,” hateten Cidalia ba jornalista sira iha Residensia Prezidente Farol, Tersa (12/09/2017).

Nia sublina tan, sei Iha tan kontinuasaun ba programa ida nee, neebe iha  parte gabineti sei apoiu ba  programa  CNCS-TL.

Hau haksolok tanba bele halo inkontru ho Comisaun Nasional Combate Hiv-Sida Timor Leste nia, hodi rona informasaun neebe maka tuir dadus neebe comisaun iha, nomos media sira mos fahe informasaun, tanba ita boot sira mos importante tebes hodi fahe ona ba publiku,” hateten Cidalia.

Nia esplika, moras neebe domina iha nasaun Timor Leste maka moras Hiv Sida, tanba moras nee hadat liu husi relasaun seksual nomos husi raan, tanba nee tenke halo prevensaun.

Presiza ita hatene moras neebe maka domina ona iha ita nia rain no moras neebe maka hadaet no la hadaet, hau haanoin katak kuandu hatene informasaun ida nee didiak, ita prevene ita nia aan, hau hanoin informasaun nee tenke fahe nafatin, tanba ita nia komunidade barak maka seidauk hatene moras HIV Sida,” dehan Cidalia.

Iha fatin hanesan, Daniel Marcal nudar Sekertariu Ezekutivu Comisaun Nasional Combate HIV Sida Timor Leste(CNCS-TL) esplika, premeiru halo inkontru nee tanba Permeira Dama hanesan Inan ida ba nasaun ida, depois Prezidente hanesan aman ba nasaun ida nee, entaun prekupasaun povu nia nee liu liu asuntu sosial no saude nia.

Nudar inan ho aman presiza hatene para atu fo liafuan ka mensajen konsiltivu ruma ba ita nia populasaun, ami mai agradese tanba Permeira Dama iha atensaun boot tebes, prekuupa tebes ho hahalok sira neebe oras nee ita nia sidadaun halo,” hateten Daniel.

Nia informa, hahalok ida ransu livre no seksu livre nee, laos ransu hotu hotu ladiak, maibe tenke halo ransu neebe diak.

“Ransu neebe lori ema ba diak, maibe ransu ida at no ransu ida neebe liu tiha ona batas nee kontra ona rekgras familia, regras normal, regras etika, regras igreja, tanba seksu livre nee nia konsikuensia  maka kona HIV, isin rua sedu, soe tiha oan,”esplika Daniel. Jeniche da Costa 

Facebook Comments

Leave a Reply

Your email address will not be published. Required fields are marked *