CNCS Halo Sosializasaun Iha Suku Foun

CNCS Halo Sosializasaun Iha Suku Foun

- in Metro
119
0
SIDA

DILI-Comisaun Nasional Combate Hiv-Sida TimorLeste(CNCS-TL), foin primeira ves halo sosializasaun iha Suku Manleuana. Nudar suku foun maibe, komunidade bele komprende no halo prevensaun ba moras Hiv-Sida.

Tuir Xefi Suku Manleuana, Jacob Tliman Soares Comisaun Nasional Combate Hiv-Sida Timor-Leste (CNCS-TL) afirma, foin primeira ves mai halo sosializasaun iha Suku Manleuana. Nia parte kontenti tebes ho informasaun nee, tanba komunidade bele komprende no halo prevensaun ba moras Hiv-Sida.

Ami foin premeira ves suku foun hamrik CNCS-TL bele mai fahe informasaun ba komunidade sira no liu-liu ba ita nia joven sira, tanba Tempu uluk suku Bairro Pite no suku Comoro ami dook, entaun informasaun saida deit Xefi Aldeia sira maka ba tuir no rona maibe, agora informasaun hanesan nee ita nia komunidade no joven sira bele partisipa too hotu,”hateten Jacob Tilman ba Jornalista STL iha Sede Suku Manleuana, Kuarta,(11/10/2017).

Nai dehan, Suku Manleuana nee hamrik foun, neebe toman kedas programa konaba Moras Hiv-sida. Tanba nee nia husu ba Joven no inanaman sira neebe iha suku Manleuana,atu prevene aan huai moras Hiv-Sida nee.

Hau husu ba Inan Aman sira tenke fo hanoin ba oan sira neebe maka foin sae,atu nunee bele halao moris nee ho diak, atu nunee futuru ba oin diak liu tan,labele tama ba ransu livre no seksu livre,prevenesaun ba moras Hiv-Sida,”hateten Jacob.

Jacob husu ba Comisaun Nasional Comabate Hiv-Sida TimorLeste sei bele mai dala ida tan ba Suku Manleuana nee hodi halo sosializasaun,tanba informasaun nee importante tebes ba komunidade sira no joven sira neebe maka hela iha suku nee, tanba nia rekonese aan katak partisipasaun masimu tebes.

Iha fatin hanesanSekertariu Ezekutivu Comisaun Nasional Combate Hiv-Sida Timor-Leste, Daniel Marcal nudar esplika, CNCS-TL mai halo sosializasaun iha suku Manleuana hodi fahe informasaun konaba ransu livre no seksu livre,tanba hahalok balun ema halo kona moras hiv-sidano kaben sedu, droga,hahalok balun ema halo estraga ema nia futuru.

Ami konsidera katak suku Manleuana nee suku neebe foun, neebe maka iha kordenasaun diak ho xefi suku para no mos husi CNCS-TL kordena ho gabineti husi Espouza Prezidente Republika Timor-Leste nian,maka mai fo informasaun antesfo hanoin ba ita nia joven sira. Ita nia inan-aman sira, prmeiru ba inanaman sira katak ita nia oan sira nee importante. Maromak fo hela oan mai ita, inanaman presija tau responsabilidade masimu ba oan sira, para bele kria kondisaun hakmatek iha uma laran,”dehan Daniel.

Nia informa, inanaman sira uza tempu hodi buka osan barak liu,depois inora tiha fali uma laran,tanba oan barak oras nee sai ba buka moris iha liur.

Tanba nee ita mai fo hanoin ba inan-aman sira keta haluha oan nee futuru ba ita inan-aman nian, jerasaun foun ba inan-aman, tenke komesa eduka ona sira diak, hadomi oan sira diakno fo dalan diak ba oan sira,”esplika Daniel.

 Nunee mos Abelita da Silva Monteiro, nudar Joven iha Suku Manleuana esplika, sosializasaun nee importante tebes ba joven sira, tanba joven barak maka oras nee involve aan ba ransu livre no seksu livre.

“Hau senti konteti tebes ba sosializasaun ida nee, tanba hau tuir informasaun nee ba dala tolu ona. Iha buat barak neebe ita presija aplika iha ita nia moris, primeiru tenke hadook aan husi hahalok neebe riskuno tenke halo prevensaun ba Virus Hiv nee rasik, tanba nee diak liu prevene duke kura,”afirma Abelita. Jeniche da Costa   

Facebook Comments

Leave a Reply

Your email address will not be published. Required fields are marked *