CNC Fahe Informasaun Ba Sentru Polisia Komoro

CNC Fahe Informasaun Ba Sentru Polisia Komoro

- in Notisias Online
211
0
download (6)

Editor : Crisogono Magalhães

DILI-Centru Nasional Chega halo atividade dezaminasaun informasaun no intrudus relatoriu Chega ho mos relatoriu CVA iha Centru Formasaun Polisia Komoro.

Lia hirak nee hatoo husi Diretur Ezekutivu CNC, Hugo Maria Fernandes, iha salaun Sentru Formasaun Polisia Komoro, Dili, Kinta (13/02/2020) hodi dezamina informasaun sobre relatoriu no rekomendasaun Chega no CVA nia neebe liga ba iha area defeza no seguransa.

agora daudaun nee ita iha sentru formasaun Polisia no materia neebe fo nee barak liu sei relasiona ho rekomendasaun sira iha setor defeza ho seguransa, dehan Hugo.

Nia dehan, oportunidade ida nee hakarak agradese ba sentru formasaun para depois bele koalia ba instrutor sira, ba ofisiais sira no mos ba funsionariu sira iha sentru formasaun para depois sira bele iha konesementu diak liu saida mak relatoriu Chega koalia konaba ita nia setor defeza.

Nia haktuir, obejetivu husi dezamina informasaun nee maka bele fahe informasaun konaba ita nia istoria pasadu no saida maka instituisaun estadu sira nian Timor-Leste neebe maka independenti bele halo para i depois la repete, saida maka instituisaun sira nee iha tempu okupasaun nee halo, para sira nia dezenpena nee diak liutan, sira nia servi ba ita nia komunidade bele diak liutan, aumenta konfiansa husi ita nia komunidade husi public no mos konfiansa husi instituisaun estadu, Guvernu ho sira seluk.

Objetivu dezamina informasaun nee mak, fo introdusaun konaba ita nia istoria pasadu no saida maka ita nia instituisaun estadu Timor-Leste neebe mak independenti bele halo i labele repete no saida maka instituisaun sira nee iha tempu okupasaun nee halo, Haktuir Hugo

Nia akresenta liutan, iha mos rekomendasaun neebe liga liu ba iha setor seguransa, iha ralatoriu nee koalia konaba oinsa iha politika seguransa nasional. “hau hanoin nee iha tiha ona i mos koalia konaba regulamentu interna sira neebe iha para i depois ho mos prosedementu internal para regula andamentu lalaok instituisaun ida nee nian hau hanoin se ita halo revizaun ba setor defeza no seguransa maioria kuaze iha,”akresenta Nia.

Agora saida mak persija nee atu mantein haforsa liutan i mos kontinua halo akompanamentu para depois saida mak iha tia ona nee bele halo diak liutan ba oin nee. iha relatoriu 2005 agora se ita halo avaliasaun ba agora nee, hanesan ohin hau dehan politika sira nee iha hotu kedan, komesa husi politika defeza nasional tun mai iha regulamentu, lei organika polisia nian rasik nee iha agora oinsa mak ita mantein katak buat sira nee lao ho diak ida nee mak importante. tenik Hugo

Iha fatin hanesan Super Intendente Asistente Boavida Ribeiro Segundu Comandante  Centru Formasaun Polisia (CFP) dehan, hanesan ita hotu ohin hatene Diretur Ezekutivu CNC ho nia ekipa mai iha CFP ho objetivu ida oinsa atu bele halo dezaminasaun ba relatoriu Chega ninian no mos CVA inklui rekomendasaun hirak neebe maka CVA produs iha relatoriu Chega nee rasik neebe maka pertenenti ba iha area defeza no seguransa hanesan ita boot sira hatene katak sentru formasaun polisia hanesan fatin neebe maka atu fo kapasitasaun ba polisia enjeral inklui mos halo rekrutamentu ba joven sira atu sai polisia entaun.

dezaminasaun ida ohin nee importante teb-tebes ba iha sentru formasaun atu bele intende no komprende diak liu  hodi nunee bele iha kualidade  implementasaun ba postura polisia ninian  atravez formasaun da polisia, dehan Boavida

Boavida haktuir, konaba rekomendasaun lubuk ida neebe mak ohin diretur ezekutivu CNC fo sai atu hatete deit. “ Ita foin mak atu hahu halo dezaminasaun, ita mos fiar katak rekomendasaun hirak nee utiliza  ba instituisaun Polisia Nasional Timor-Leste (PNTL) liu-liu mai iha sentru formasaun hanesan fatin treinamentu ba polisia ninian,” tenik nasional Boavida. * Rep: Cris Darakay

Komentariu

Facebook Comments

Leave a Reply

Your email address will not be published. Required fields are marked *