CLN-SP Sosa Fos Lokal

CLN-SP Sosa Fos Lokal

- in Economics, Nasional, Notisias Online
41
0
Prezidente-CLN-Augusto-Junior-Trindade

DILI-Governu liu husi Centru Lojistik Nasional (CLN) servisu hamutuk ho Setor Privadu (SP) rai laran,  hodi asegura aihan ba loron boot natal ho tinan foun, sei  sosa deit fos lokal hodi redus fos importasaun, tanba planu governu tenke promove produtu  rai laran.

Kestaun nee fo rai husi Prezidente CLN,  Augosto Junior Trindade ba STL,  Kuarta(20/11/2019) iha Parlamentu Nasional.

Ita servisu hamutuk ho SP rai laran,  atu asegura fos ba loron boot natal ho tinan foun  no agora stok fos iha armajen governu, fos importasaun laiha ona,  hela deit mak fos lokal. Iha armajen governu nian, kuaze tonelada 60 resin nee fos lokal deit,  no fos importasaun hotu tiha ona, tanba nee ami mos servisu hamutuk ho SP sira hodi atua situasaun iha loron boot tuir mai,dehan Prezidente CLN.

Nia mos afirma liu tan katak,  fos lokal la sufisiente,  maibe tanba servisu hamutuk ho setor privadu sira,  bele garante atu asegura fos iha loron boot tuir mai  no planu governu nian maka atu dudu lai produsaun rai laran, tanba nee sosa hare kulit husi Munisipiu no lori mai dulas,  hodi halo distribuisaun,  ba merenda escolar no apoiu ba MSS.

Ita servisu hamutuk hela ho Ministeriu Agrikultura,  Sekretariu Estadu Kooperativa hamutuk ho SP sira hodi forma ekipa ida ho naran,   tasfor hasae produsaun no kompra hare kulit.  liu husi programa ida nee, atu motiva ita nia agrikultor sira atu fila fali ba halo  natar,tenik nia.

Iha fatin hanesan Reprezentante povu iha uma fukun Parlamentu Nasional Deputadu, Sabino Guntur hatutan, kada tinan aloka osan ba iha Ministeriu Agrikultura ho montante neebe boot,  maibe produsaun iha rai laran kada tinan kontinua tun,  no fos importasaun maka domina iha merkadu rai laran.

Ita orguillu  tanba governu hakarak dezenvolve  produtu rai laran,  maibe atu hasae produsaun rai laran ho diak maka,  governu tenke orienta didiak ita nia agrikultor, atu nunee bele hasae produsaun rai laran no redus produtu importasaun husi rai liur,dehan nia.

Nunee mos Deputadu Antonio da Conceção hatutan,  produsaun iha rai laran seidauk sufisiente atu hatan ba nesesidade povu nian. Uluk governu fahe tractor no hand tractor ba agrikultura sira, maibe fos  importasaun sei nafatin tama  no agora irigasaun barak la funsiona no bai loron mos naruk,  tanba nee atu hasae produsaun rai laran nee defisil.Madalena Horta

 

 

Komentariu

Facebook Comments

Leave a Reply

Your email address will not be published. Required fields are marked *