CJB Kria Formasaun Ba Joventude Becora

CJB Kria Formasaun Ba Joventude Becora

- in Metro
867
0
Autoridade Lokal

DILI-Centro Juventude Becora (CJB) fo formasaun ba joventude Posto Administrativo Cristo- Rei, kona-ba abilidade moris. Hanesan oinsa kapasita joven sira nian mentalidade, kapasidade hodi halo komunikasaun diak iha sosiedade sira nian leet.

Joven neebe mak partisipa iha formasaun nee hamutuk 30 pesoas, joven sira nee reprezentante husi Aldeia sira hotu iha Postu Administrativu Kristo Rei hamutuk ho estudante Sekundaria neebe iha Becora rasik.

Tuir Antonio Isabel da Silva Soares nuudar Dep Youth Creativity And Capacity Building  hateten, joven neebe dadaun partisipa formasaun nee hamutuk ema nai 30, sira mai husi  juventude Suku Becora  rasik.

Materi neebe fo ba estudante sira kona-ba abilidade moris no oinsa ita bele halo mudansa ba joven sira nia kapasidade, mentalidade liu-liu iha area komunikasaun diak ho sosiedade ho diak. Nomos iha metas ipetativa oinsa juventude sira tur mesak, ba sira nian ann no atu esperanca ba moris mak hanesan hakarak sai saida. Esperansa ba futuru nee saida, nee hanesan abilidade moris, kona-ba edukasaun bazika neebe halai liu ba ablidade ema ida-idak nian.

Nunee mos, liu husi formasaun nee kapasita joven sira oinsa sira sai joventude neebe siviku, oinsa sira bele hatene sira nian ann, katak hau siviku ka lae. Liu husi formasaun hirak nee atu ispira joventude sira bele hakruk ba ann hanesan joventude neebe siviku, kreativo liu no sai sidadaun neebe diak.

Iha fatin hanesan Flavio S.Da Costa nuudar Dep Youth Interpreuneship CJB hateten, programa nee realiza ba fase da-tolu ona. Faze premeiro realiza iha Postu Administrativu Atouro, segundu iha Postu Administrativu Metinaro, terseru iha Postu Administrativu Cristu-Rei konsentra iha Sentru Treinamentu Becora. Nunee mos programa nee hahu husi preparasaun realiza iha Maiu nia laran, too mai agora tuir kalendario neebe prepara husi CCD.

Ami nian preparasun nee iha fulan rua nian laran, aktividade nee mos halao bajeia ba orsamentu neebe aloka ba iha programa nee. Orsamentu neebe ami uza ba aktividade nee mai husi CCD,” katak Flavio.

Tuir Flavio katak, liu husi programa nee atu bele motiva joventude sira, koalia kona-ba karakter oinsa redus hahalok aat.

Tanba nee tinan- tinan aktividade ba joventude sira sempre halao, atu nunee kapasita joven ida-idak uainhira tun fali ba sira nian bairru sira mak dezenvolve fali joven sira neebe iha aldeia laran.

Iha sorin seluk Fracelino T. Da Costa nuudar partisipante hateten formasaun nee foun ba joven sira, kona-ba formasaun civiku no abilidade moris nian, tanba maioria joventude barak mak seidauk hatene nian ann. Katak hahu joven ona ka seidauk, tanba iha parte seluk hare ba sira nian kreatividade  joven balun iha aktivo no balun iha pasivu.

Aktivo katak, sira hatene nian-aan katak hau tenki kuidado aan, tanba hau mak futuru ba nasaun nian. Passivo katak, nuudar joventude sira hatene-aan katak iha futuru ba aban bainrua nee sai saida?

Hau senti kontenti tanba hau bele hetan informasaun foun ba hau oinsa hau bele sai joven neebe mak bele hatene aan no hadook-aan husi konflito,” katak Francelino.

Nian hatutan nian espera materi neebe sira hetan sai hanesan lisaun diak ida ba nian hodi bele halo tuir. Atu nunee sai joven neebe edukativo iha suku no aldeia. *Est5

Facebook Comments

Leave a Reply

Your email address will not be published. Required fields are marked *