CITRA MARES Sei Prepara-an Maximu Kompete LVTL Finais

CITRA MARES Sei Prepara-an Maximu Kompete LVTL Finais

- in Desportu
2394
0
volley man

Dili-Klubu Citra Mares nuudar klubu voleibol neebe hola parte iha kompetisaun Liga Voleibol Timor-Leste (LVTL) konsege tama final. Nee duni, dadaun halo preparasaun hodi prepara-an ba kompetisaun jogu finais LVTL.

Tuir Treinador Klubu Citra Mares, Ildefonso Dias Quintas katak, iha jogu finais Klubu Citra Mares sei hasoru Klubu AD.SLB nee duni presiza preparasaun neebe maximu atu nunee bele manan iha jogu LVTL ba finais neebe sei realiza iha, Sabadu (15/7/2017).

Ami husi Klubu Citra Mares dadaun nee prepara-an maximu atu nunee bele manan iha jogu final agora. Fiar katak ami sei sai bensedor ba LVTL tinan ida nee,” katak Ildefonso ba STL iha Ginagiu Dili, Tersa (11/7/2017).

Tuir Ildefonso katak, antes tama ba jogu durante semana ida nee nia laran Citra Mares tenke halo preparasaun didiak atu nunee bele manan. Tanba klubu AD.SLB mos makaas nee duni presiza preparasaun neebe maximu.

Ildefonso mos relata liu tan katak, Citra Mares tama final laos fasil maibe ho esforsu-an tomak foin bele manan klubu sira seluk neebe hola parte iha kompetisaun LVTL.

Iha fatin hanesan Emi Viana nuudar atleta Citra Mares dehan, nia sente kontente tanba liu husi prosesu naruk hodi treinu no esforsu-an hodi kompete jogu ida nee ikus liu bele hakat ba finais hasoru Klubu AD.SLB.

“Ami sei prepara-an diak liu tan iha treinu hodi compete iha faze ikus ba final, hau fiar katak ami sei hatudu jogu neebe diak liu iha final hodi halo kontente adeptus sira mos bele semangat nafatin iha kompetisaun ida nee tanba final nee adeptus sira mai barak hodi fo suporta tuir ida-idak nia fens klubu neebe nia gosta,” katak Emi. Est-4

Facebook Comments

Leave a Reply

Your email address will not be published. Required fields are marked *