Cipriana: “Ema Kakutak Mamuk Labele Lidera Oecusse”

Cipriana: “Ema Kakutak Mamuk Labele Lidera Oecusse”

- in Distritu
3091
0
monumento_lifau

AMBENO-Sabadu semana kotuk, Partidu Fretilin halo kampaina iha Ambeno, Oecusse. Iha biban nee, Adjunta Sekjer Partidu Fretilin, Cipriana Pereira husu ba Oecusse oan labele fo fatin ba ema kakutak mamuk atu lidera Oecusse.

Ita labele fó tan fatin ba ema seluk neebe kanten ba kadera, kakutak mamuk maibe hakarak hadau kadera hodi lidera Oecusse. Sira nia kapasidade latoo, kakutak mamuk hela, no kanten. Ema neebé lidera dezenvolvimentu Oecusse nee, presiza ema matenek hanesan doutor Mari Alkatiri. Laiha tan seluk, I hau husu Oecusse oan sira defende liderasan ida nee,” hateten Cipriana iha ninia kampaina, Sabdu (15/7/2017).

Nia husu Oecusse oan labele husik Oecusse ba ema seluk lidera hodi halo diskriminasaun ba komunidade Oecusse. Tamba nee, iha loron votasaun, Cipriana husu ba militante no simpatizitante sira vota ba Fretilin para manan eleisaun.

Fretilin kaer ukun hakarak ukun ho responsabilidade moral. I realidade hatudu ona iha Oecusse. Lideransa Fretilin kaer dezenvolvimentu iha Oecusse. “Ita boot sira haree ho matan rasik,” nia dehan.

Nia husu sira nia fiar labele sala. “Imi nia votu labele sala, vota ba 21, vota ba Fretilin, vota ba lideransa atu kaer ukun. Fretilin iha lideransa maioria iha parlamentu kaer governu, para bele resolve povu Oecusse nia problema. Laos sira seluk neebé hakarak ukun, hanoin deit maka sira nia bikan no hanoin deit ba sira nia an, hanoin deit ba sira nia familia. Ita Fretilin lae,” dehan Cipriana.

Balu neebé kaer ukun, ukun ona, maibé sira nia promesa seidauk kumpri hotu. Balu foin maka  kaer ukun, seidauk hatene polítiku hakarak hatun fali lideransa Fretilin hodi dehan, sira mak diak liu fali. Nee hatudu katak sira toba mehi hader mai, konta ninia mehi fali ba Oecusse. Maibe sira seidauk halo buat ruma, nebe Oecusse oan  lalika fiar sira.

Cipriana hateten, tinan rua deit hatudu tiha ona Ponte Oecusse, irigasaun Oecusse, estrada, eletrisidade. Ida nee maka Fretilin nian mehi. I doutor Alkatiri hatudu duni ba povu. Iha biban hanesan, membru brigada Fretilin, Manuel da Costa hateten, ”Jura ba Nain Maromak, rai lulik, ba hau hondra rasik ba estate Fretilin nian, atu kumpri responta no defende nafatin prinsipiu fundamental Fretilin, kontribui ba dezenvolvimentu no harmonia Fretilin nian,” dehan Manuel. Carme Ximenes/Abilio Nini

 

Facebook Comments

Leave a Reply

Your email address will not be published. Required fields are marked *