CCF Deside Alkatiri Sai PM, PD-Khunto Apoia

CCF Deside Alkatiri Sai PM, PD-Khunto Apoia

- in Nasional
680
0
Mariano

DILI-Partidu Demokratika ho Khunto apoia ba desizaun neebe maka Membru Comite Central Fretilin (CCF) deside, katak Sekertariu Jeral Partidu Fretilin Mari Alkatiri atu sai Primeiru Ministru hodi Xefia VII Governu Konstitusional.

Prezidente Partidu Demokratiku Mariano Asanami Sabino hateten, Sai Primeiru Ministru nee ida deit, neebe hotu hotu sei fo apoia, tanba PD atu Viabiliza neebe PD laezije ba ida nee, ba ida neeba laiha.

Ba o Timor laiha ezijensia neebe nein, PD nia ema ida  lamai lobi iha kotuk kotuk neeba, hau hanesan Prezidente sei laaseita, no sei fo apoia ba Xefi du Governu, neebe maka se xefi Governasaun ida nee,” dehan Assanami, ba jornalista sira, iha sede CCF, Comoro, Dili, Segunda (11/09/2017).

Eis Ministru Agrikultur e Peska nee hateten, PD iha deit komprimisiu katak presiza fo kontinuasaun ba Governasaun neebe durante nee Timor oan kaer hahu kedan husi 2002 mai. Tanba prosesu kontruksaun estadu neebe maka iha defisil hakarak iha nafatin kontinuasaun, tanba nee maka laos se se maibe hare dehan saida maka bele halo ba nasaun no povu iha rai ida nee.

Iha fatin hanesan Jose Turque hanesan Asesor Politika Partidu Khunto hateten, Konaba membru CCF deside Sekjer Fretilin Mari Alkatiri ba Primeru Ministru, Khunto seidauk le iha jornal ka estetmentu ofisial husi partidu katak Mari Alkatiri indizita ba Primeiru Ministru, maibe Khunto nia posizaun ba asuntu nee laiha A ka B.

Entretantu Adjuntu Sekjer Partidu Fretilin Jose Reis hateten, Potensial boot atu sai Primeiru Ministru maka Sekjer Fretilin Mari Alkatiri, maibe nia (Red. Sekjer Fretilin Mari) mos iha liberdade atu bele foti desizaun. Carme Ximenes

 

Facebook Comments

Leave a Reply

Your email address will not be published. Required fields are marked *