Caucus Iha Programa 3 Importante

Caucus Iha Programa 3 Importante

- in Metro
138
0
13159977_bYJzN

DILI- Planu estratejia fundasaun Caucus ba tinan lima mai, iha programa tolu neebe mak importante mak hanesan Advokasia, Kapasitasaun no mos Promove Feto liu husi media.

Tuir Diretora CAUCUS Paula De Cortereal Araujo katak, fundasaun Caucus sei kontinua programa kapasitasaun ba feto sira neebe tinan eleita nudar xefi suku.

Iha tinan 2017 hahu fulan Outobru too Dezembru ami sei halo dialogu ida ho Feto Xefi Suku sira, atu haree dezafius no progressu saida mak sira halao durante um ano. Desde iha 2016 too ohin loron nee maizumenus dezafius saida mak sira hasoru,” dehan Paula De Cortereal Aroujo ba STL iha nia knaar fatin Caicoli, Sesta, (06/10/2017).

Direktora nee hatutan, tanba nee liga ba kapasitasaun Caucus nian ba feto kandidatu sira hahu preparasaun iha 2014 too 2016, antes eleisaun iha programa balun. fundasaun Caucus espera  feto sira atu realiza. Primeiru maka oinsa atu hatoman komunidade halo toos iha uma hun, segundu oinsa mak Feto Xefi do Suku sira hanoin atu kondisiona para bele imajen feto nian, nudar lideransa iha suku nee atu halo sede suku neebe komunidade sente hanesan fatin  ba sira tama sai livre no hetan informasaun husi konsellu do suku sira.

Nia informa, fundasaun Caucus mos ba aprezenta ona iha Parlamentu Nasional, iha rekomendasaun balun neebe fundasaun Caucus hatoo, nomos iha programa ba futuru neebe Caucus hatoo iha Plenaria. Oinsa mak Parlamentu atu  asegura no husu ba Governu, kada ministeiru atu bele aloka orsamentu ba kapasitasaun feto.

Kapsitasaun feto laos atu partisipa iha vida politika, maibe mos oinsa feto partisipa iha vida ekonomia, agrikultura no mos seitores seluk neebe feto sira presija hetan kapasitasaun. Entaun kompetensia ba kada ministeriu nian, atu tau orsamentu ba feto sira atu kapasita feto sira bele hetan benefisiu iha kapasitasaun nee rasik, atu nunee bele dezemvolve sira nia aan iha seitores hotu, tenik nia.

Paula dehan, fundasaun Caucus sei fo apoio nafatin ba Jmttl nudar tarjetu prinsipal caucus nian, aleinde Jmttl iha mos partidu politikus hanesan, tarjetu prinsipal fundasaun Caucus neebe iha tinan lima ba oin sei foka mos ba apoio Jmttl entermus oinsa maka atu fasilita referensia.

Hanesan bainbain ami halo tiha ona hamutuk ho Jmttl, halo brifing ba iha orsamentu sensibel jeneru, antes halo debate orsamentu serbisu hamutuk ho Focupers no parseiru sira seluk oinsa maka fasilita Jmttl sira atu iha referensias balun konaba asuntu sira nee, nunee mos konaba asuntu seluk iha suku sira nian.

Programa seluk fundasaun Caucus sei halo ba programa konsorsius ida ho Moffe (Movimentu Feto Foinsae), sei haree programa ba futuru tinan lima nian, atu prepara feto potensiais sira ba iha asuntu desentralizasaun no mos ba iha eleisaun tinan lima oin mai atu prepara kedas antes. Oinsa maka atu prepara feto envolve ka kompete iha prosessu eleisoens. Tanba nee fundasaun Caucaus no Moffe prepara hela concept note oinsa maka atu iha 2018 nee komesa ona halao programa balun.

Fundasaun Caucus ho Moffe serbisu hamutuk ba prepara feto atu envolve iha parte kompetisaun nian, ba prosessu eleisaun sira hotu, tanba nee kapasitasaun kontinua halao. I kapasitasaun iha modelu oi-oin, hanesan halo formasaun, dialogu, seminar no fasilita feto sira neebe potensialidade ona kbiit neebe forte tebtebes, atu bele promove sira nia konesementu ba iha komunidade no mos ba iha sosiedade Timor-Leste.

Atu nunee ema bele hatene ona katak feto mos iha A no B sira iha ona sira nia konesementu iha area hotu, nee parte ida atu halo mudansa ba sosiedade nia mentalidade, pensamentu oinsa maka atu hatene katak feto mos bele kompete iha prossesu, kualker kompetisaun neebe mak ba iha estrutura politika foti desijaun nee.

Iha parte Advokasia sei nafatin atu bele promove feto sira ba iha parte desentralizasaun, oinsa maka ema bele konese feto ninia profile I advokasia ba iha lei hirak neebe fo oportunidade ba feto atu bele envolve iha prosessu tomak. Entretantu iha lei suku nian ita presija tan revisaun balun, entermus de implementasaun eleisaun suku.

Paula hatutan, atu kompete iha desentralizasaun nee laos ba deit iha prezidente munisipiu ka autoridade munisipiu, maibe haree mos ba feto neebe mak bele kompete iha postu administrativu nian no assembleia munisipiu nian. Tanba nee husu ba feto sira bele prepara aan oinsa mak atu bele kompete iha prossesu nee. Emerenciana Pinto/ EST.UNTL-4

Facebook Comments

Leave a Reply

Your email address will not be published. Required fields are marked *