Carascalao Heroi Edukasaun

Carascalao Heroi Edukasaun

- in Nasional
616
0
Untitled-1

DILI – Povu Timor Leste tomak triste tebes ho Mario Viegas Carascalao nia mate, tanba lakon tan ona lider diak ida neebe fo kontribusaun makas tebes ba prosesu konstruksaun Estadu TL.

Ho Carascalao nia mate Fundasaun Cristal triste tebes no konsidera Timor Leste lakon ona ninia heroi edukasaun ida, tanba ho Carascalao nia esforsu mak hari Universidade Timor Timur iha tempu okupasaun Indonesia neebe mak nakfila sai hanesan Universidade Nasional Timor Lorosae (UNTL) inklui mos Fundasaun Cristal.

Ir. Mario Viegas Carascalao nia mate baa mi fundasaun Cristal sente triste tebes tanba Carascalo hanesan heroi ba edukasuan laos ba Cristal deit maibe ba nasaun tomak. Wainhira sei hanesan governador nia iha planu estratejia oinsa atu hari universidade iha Timor mak UNTL agora hodi eduka Timor oan tomak. Ba Cristal hahu husi eskola nee harii Carascalao mak ajuda hamutuk ho Amu Bispu Don Carlos,” dehan Agustino.

Nia hatutan ho Carascalao nia esforsu durante asumi kargu hanesan governuador iha tempu okupasaun Indonesia ohin loron Timor oan lubuk ida mak sai matenek tantu iha rai laran nomos rai liur, no liu husi Carascalao nia kontribusaun ba edukasaun ohin loron Timor oan lubuk ida mak sai lider hodi ukun nasaun ida nee.

Iha fatin ketak Estudante Universidade Nasional Timor Lorosae, Fransisco Baros de Jesus, mos hatete Carascalao merese duni sai hanesan heroi ba edukasaun iha rai ida nee.

Nunee mos Eugenio da Purificacao mos hatete, Carascalao lider ida neebe mak onestu tebes tanba nee Timor sente lakon no triste tebes ho Carascalao nia mate. Thomas Sanches

 

Facebook Comments

Leave a Reply

Your email address will not be published. Required fields are marked *