Bupati Belu, Willybrodus Lay, “Laiha Ona Refujiadus TL Iha Belu”

Bupati Belu, Willybrodus Lay, “Laiha Ona Refujiadus TL Iha Belu”

- in International
3764
0
Fronteira

ATAMBUA-Administrador Distritu Belu/Bupati Belu, Willybrodus Lay hatete, ate oras nee dadaun laiha ona refujiadus Timor Leste mak hela iha area Munisipiu/Kabupaten Belu, NTT, Indonesia.

Refujiadus Timor Leste neebe uluk, rame-rame eksodus no hela iha area Kabupaten Belu tanba akontesementu krime 1999, sira hotu oras nee sai ona sidadaun Indonesia (WNI) no hela iha Atambua, no fatin sira seluk iha area Kabupaten Belu.

Tanba sira mai hela kleur ona no hanaran aan nudar warga Atambua. Laiha ona refujiadus Timor Leste mak hela iha Atambua. Sira hotu sai ona warga Atambua. Maibe sei lataka dalan ba sira, sekarik balu hakarak fila fali ba Timor Leste,” hateten Willybrodus Lay ba jornalista hafoin vizita programa “Familiarization Trip 2017” iha Atambua, Belu, Segunda (16/10/2017).

Programa Familiarization Trip 2017 iha Atambua nee, halao husi KBRI Dili ho objetivu atu hametin kooperasaun bilateral Timor Leste no Indonesia ba futuru. Too agora sei ribuan Timor Oan mak sei hela iha Indonesia, inklui area Kabupaten Belu. Barak liu hela iha Kota Atambua.

Tanba sira hela kleur ona iha Atambua no fatin sira seluk iha area Kabupaten Belu, ita atu bolu bebeik sira, refujiadus/pengungsi nafatin ladiak. Tanba nee mak, ami bolu sira nudar warga baru iha Atambua, Belu,” hateten Willybrodus Lay.

Laos deit Kabupaten Belu. Refujiadus Timor Leste neebe uluk halai ba Indonesia, too agora, barak mak hela iha area Kabupaten Belu (Atambua), Kabupaten Timor Tengah Utara (TTU, Kefamenanu), Timor Tengah Selatan (TTS, Soe) no Kabupaten Kupang.

Sira neebe hela iha Atambua no fatin seluk iha area Kabupaten Belu, sei hakarak fila fali ba Timor Leste, konformi sira. Maibe maluk sira iha Timor Leste atu simu sira ka lae, ida nee depende ba Timor Leste,” katak Willybrodus Lay.

Konaba sira nia moris, nia haree, oras nee dadaun balu diak ona, balu halo uma diak, halo natar, balu esforsu hela hadia sira nia ekonomia familia, balu uma hela fatin seidauk iha. Maibe emjeral, sira hotu nia moris lalakon ho ema rai nain sira iha neba. Konaba total refujiadus Timor Leste nain hira mak hela iha Atambua no fatin seluk iha area Kabupaten Belu, ninia numeru hira, nia ladun hatene maibe nia dehan, sira sei barak hela iha Atambua.

Konaba fasilitasaun ba Timor Oan sira iha neba, nia hateten, karik ema hotu haree ho neon no laran, fasilitasaun neebe governu atende ba sira, laos problema, maibe ida nee dalaruma sai problema tanba ema balu sei tau hela ba interese grupu.

Paulus Nusandri Bisana hanesan matadalan turistiku Atambua (Dinas Parawisata Belu) dehan, agora iha Atambua laiha ona refujiadus. Refujiadus sira hotu sai ona warga baru Kabupaten Belu, barak liu hela besik Atambua Kota. Guilhermina Franco

Facebook Comments

Leave a Reply

Your email address will not be published. Required fields are marked *