Buka Cas La Hetan, Lino Purada Rosita

Buka Cas La Hetan, Lino Purada Rosita

- in Krime
463
0
Deskonfia

DILI-Lezada Rosita Soares simu agresaun fisika hanesan baku, tuku no tebe husi nia kaben Angelino Sarmento tanba buka cas telefone nian la hetan.

Liu husi audensia julgamentu tribunal lee sai akuzasaun husi MP katak, iha loron (7/11/2014) tuku 5 loraik bainhira arguidu tur halimar ho nia kolega sira hamu lanu fila ba uma haruka lezada buka cas telefone nian. Maibe lezada buka la hetan, tanba nee arguidu nervozu baku iha kabas dala ida, kanotak dala ida n tebe dala ida hodi halo lezada monu ba rai . Ho ida nee lezada halai ba kesar iha polisia.

Hatan ba akuzasaun nee arguidu deklara, akuzasaun nee los hotu. Arguidu arepende ba nia hahalok no promete ba tribunal sei la halo tan ba lezada no ema seluk.

Rona tiha deklarasaun husi arguidu, tribunal submete kedas ba iha alegasaun final. Nunee Ministeriu Publiku husu ba tribunal atu aplika pena prizaun fulan 8 no suspende tinan 1. Tanba provas arguidu komete duni krime ofensas integridade fisika simplest konjuga ho krime violensia domestika.

Entretantu parte defesa la konkorda ho alegasaun MP nian, tanba arguidu ho lezada diak malu ona. No arguidu arepende ba nia hahalok, tanba nee husu ba tribunal atu aplika pena neebe kman.

Iha biban nee tribunal foti kedas desizaun hodi aplika pena prizaun fulan lima (5), suspende ba tinan ida. Informasaun kompletu iha STL Jornal no STL Web, edisaun Sesta (28/10/2016). Domingas Gomes

Facebook Comments

Leave a Reply

Your email address will not be published. Required fields are marked *