BRI Loke Liras Iha TL

BRI Loke Liras Iha TL

- in Economics
341
0
PM Rui

DILI – Relasiona ho governu Timor Leste (TL) adopta merkadu livre, maka Bank Rakyat Indonesia (BRI) komesa loke tan liras iha nasaun ida nee hamutuk ho Banku Mandiri hanesan investimentu husi Indonesia atu dezenvolve ekonomia rai laran iha area finanseru.

BRI hahu lansa ona nia prezensa iha Dili TL iha loron Tersa (14/3/2017) atu fo atendementu ba kliente sira iha nasaun foun ida nee, dehan Geral Manajer BRI-Timor Leste, Budiman Hernandes iha serimonia lansamentu Colmera Dili.

Nia hatete, prezensa fila fali BRI iha TL, sei fo atendementu ba atividades negosiu kiik sira, atende ema atu rai osan, atu halo popansa US$1.00 iha future labarik sira nian.

BRI mai loke iha TL, lases husi istoria neebe BRI susesu antes TL hetan ninia independesia, tanba nee ami espera katak ho istoria nee bele repete fila fali tanba TL ho Indonesia, iha relasaun emosional neebe maka diak tebes, labele haluha too iha neebe deit, dehan General Manajer BRI, Budiman iha serimonia lansamentu BRI nian iha Colmera Dili.

Relasiona ho prezensa BRI loke liras iha TL, Primeiru Ministru Rui Maria de Araujo hatete Timor Leste Adopta merkadu Livre tan nee sidadaun sira bele investe tuir regra no lei neebe mak iha.

Ita nia merkadu livre ema neebe deit hakarak investe iha Timor leste inkliu merkadu finanseiru governu loke dalan, sira kumpri regras no lei neebe ita iha, ita loke oportunidade ba ema hotu-hotu,” dehan Rui ba Jornalista Kuarta (15/03/2017) iha Palasiu Prezidensial Nicolao Lobato.

Nia hatete sira neebe mak investe bele fasilita mos emprezariu Timor oan sira inkliu mos komunidade bele hetan asesu ba servisu finanseiru no kapital hodi dinamiza liu tan ekonomia governu nakloke.

Iha nasaun TL iha ona Banku Central Timor Leste (BCTL), neebe maka sai hanesan mahon ba banku komersial sira neebe maka ejiste iha rai laran hanesan banku BNCTL nudar banku Timor nian, iha mos banku internasional sira hanesan ANZ Bank, Banku Mandiri, BNU, BRI no banku sira seluk neebe oras nee ejiste iha nasaun TL atu dudu kresimentu ekonomia nasaun ida nee ba oin iha area finanseiru.

Iha fatin ketak membru CCI-TL Eduardo Belo Soares hatete banku sira neebe mak agora ejiste, Timor oan sira neebe mak asesu publiku maibe limitadu tebes.

Ita hare banku internasionais sira neebe agora eziste iha Timor, ninia asesu ba Timor oan mos limitadu teb-tebes, ita autoriza banku sira atu tama hodi repete buat neebe hanesan, ita tenki hanoin didiak,”dehan Eduardo.

Nia hatete funsionamentu banku sira neebe mak lao, banku balun persentazen kreditu ba Timor oan kiik liu, tamba nee banku sira seluk tama atu repete hahalok neebe hanesan ladun diak.

“Ita bele dehan prezensa banku foun bele apoiu Timor oan tamba ita sei iha defikuldade barak, hau hanoin BRI nia prezensa bele halo kompetisaun ho banku sira seluk,” dehan Eduardo. Timotio Gusmao

Facebook Comments

Leave a Reply

Your email address will not be published. Required fields are marked *