BRI Diak, BCTL Tenke Kontrola

BRI Diak, BCTL Tenke Kontrola

- in Economics
326
0
Bank BRI

DILI – Prezensa Bank Rakyat Indonesia (BRI) diak, atu fasilita kreditu ba povu kiik sira maibe importante Banku Central Timor Leste (BCTL) tenke kontrola operasaun banku BRI nian.

Prezidente Komisaun D  Deputada Jacinta Abu Cau Pereira hatete BRI harii iha TL diak, bele halo kompetisaun, entre banku sira liga ba jurus oinsa fasilita povu kiik asesu kreditu, tanba banku TL mak BNCTL.

Ita espera prezensa banku estranjeriu BRI sei fo benefisiu ba povu kiik asesu krreditu finanseiru ho jurus kiik, fo servisu ba Timor oan sira,’’dehan Jacinta ba Jornalista Kinta (16/03/2017) iha Knar fatin PN.

Nia hatete, Banku estranjeriu osan fila ba sira rai, maibe bele fasilita povu asesu kreditu, neebe ladun hatene kriteria saida maka BCTL fo licensia ba BRI harii iha TL.

Hanoin BCTL presiza kontrola operasaun no benefisiu ba komunidade, maibe durante prezensa banku estranjeriu iha TL fo kreditu, ezamplo BNU fo kreditu, maibe Banku Mandiri seidauk fo kreditu tanba tauk lei rai  sedauk iha hodi garantia banku, neebe lei aprova hein presidente promulga.

Nia hatete, Timor oan neebe kreditu tenke ona osan, responsaliza selu banku nian osan, sei banku lafo kredit, ema investe osan iha neeba, hanoin osan la sirkula iha rai laran.

Iha fatin hanesan Representante povu iha Uma PN Bankada CNRT, Deputadu Arao Noe de Jesus hatete, BRI ekonomia diak, investor tama halo investimentu, hare jestaun finanseiru diak.

Hau hakarak agredese Prezensa BRI  harii iha TL, tenke halo kompetisaun neebe   diak, kompri regras no regulamentu husi BCTL,  labele prejurika malu, tanba banku agora  estabelese  hela iha TL, husi estranjeriu maka BNU, Bank Mandiri, ANZ nomos BNCTL hanesan banku Timor nian,’’dehan Arao.

Nunee mos  reprezentante povu iha Uma Fukun Parlamentu Nasional Bankada  Fretilin Deputadu Manuel Castro hatete, BRI oportunidade mai loke liras iha TL diak, maibe tenke fo fasilidade ba povu asesu kreditu finanseiru,  laos  dehan banku Indonesia nian  fo kreditu ba ema balun deit, liu Indonesia maibe timor oan sira lae.

Hau husu ba governu akompania diak ba BRI oinsa jere sira manajementu diak fo kreditu ho jurus neebe kiik ba povu kiik sira, liu-liu aleba sira, bele hadia sira nia ekonomia,” dehan Nia.

Tuir informasaun husi CCI-TL katak, durante nee banku estranjeriu  neebe eziste iha TL, seidauk fo kreditu finanseiru boot ba Timor oan sira, husu ba Timor oan sira asesu kreditu tenke responsaliza no kompri regras husi banku hodi selu banku nia osan. Josefa dos Santos

 

Facebook Comments

Leave a Reply

Your email address will not be published. Required fields are marked *