Branco : AMP Laeziste, Presiza Formaliza

Branco : AMP Laeziste, Presiza Formaliza

- in Politics
87
0
image002

DILI– Aliansa Mudansa ba Progresu (AMP) fahe malu ou laeziste ona, nee presiza halo formaliza, labele deklara deit.

Kestaun nee hatoo husi Vice Bankada Fretilin Deputadu Francisco Branco hatete, deklarasaun husi Primeiru Ministru (PM) nee hanesan Prezidente PLP nian, neebe tenke formaliza atu nunee liu husi karta ida ba Tribunal Rekursu nunee husi Tribunal bele hatene no formaliza disolusaun.

Saida mak PM hatete nee tenke formaliza liu husi Tribunal Rekursu, hodi hatete katak formalmante AMP laeziste ona, hatete Branco ba Jornalista Tersa (21/01/2020) iha PN.

Nia dehan, no faktu AMP laeziste, maibe tenke formal, atu ofisializa disolusaun, maibe nia hakarak halo observasaun depois OJE 2020 lapasa nee obriga estadu atu moris deit ho duo-desimu.

Nunee mos Segundu Vice Parlamentu Nasional atual Deputadu husi Bankada Khunto Luis Roberto hatete,  nuadr ema iha partidu politika  nia haree, ba PM nia deklarasaun nee, lakoalia nudar Prezidente partidu politika, neebe normal, tanba  OJE mai iha PN sumba ou lapasa.

Tuir nia haree ba governu agora seidauk monu, mezmu ke PM hatoo ona deklarasaun, I deklarasaun nee tanba nia haree ba OJE lapasa ou Sumba iha PN.

Nia haktuir, haree katak OJE nee raan estadu mai iha PN, neebe nudar inan ida atu hahoris, maibe PN trava nee mak halo PM koalia, maibe nee direitu PM atu koalia.

Mezmu PN deklara ona katak AMP laiha  ona, maibe ami Bankada 3 hanesan CNRT, PLP no Khunto iha PN, seidauk  ida koalia katak atu dada aan husi AMP too agora , hatete Luis.

Tuir nia, deklarasaun nee iha audensia bainhira PM ho PR, maibe nee Taur koalia nudar PM, se dauk koalia nudar prezidente partidu, karik koalia nudar Prezidente Partidu nee sira sei enkontru iha  nivel AMP nian, depois mak foin informa ba publiku, maibe agora dadaun AMP sei eziste.

Nia esplika, depois OJE 2020 sumba ba kaliu iha jeneralidade too agora nivel AMP seidauk iha komunikasaun ida atu tuur hamutuk. Maibe fiar katak tempu badak sei tuur hamutuk, karik atu tuur hamutuk maibee sei haree mos ba tempu.

Entretantu jornalista tenta komfirma ho depuTadu sira husi Bankada CNRT, maibe sira la fo komentariu.*

Guilhermina Franco /  Jeniche da Costa

 

Komentariu

Facebook Comments

Leave a Reply

Your email address will not be published. Required fields are marked *