Boot Balu Envolve, Naok Aimoruk

Boot Balu Envolve, Naok Aimoruk

- in Metro, Nasional
18
0
Bianco

DILI-Deskonfia Ulun boot balu iha ministeriu saude, envolve  kazu naok aimorok iha Hospital Nasional Guido Valadares (HNGV). Prosesu investigasaun oras nee lao hela.

Membru Parlamentu Nasional bankada Fretilin, Deputadu Antonino Bianco dehan, se pesoal saude foti aimoruk iha HNGV, ema boot balu mak haruka.

Hau lahatenee funsionariu ida foti aimoruk nee nia mesak ka ema iha kotuk, ida nee presiza halo imvestigasaun klean, dehan Antonino salenta.

Reprezentante povu iha uma fukun PN nee dehan laiha karidade husi Partidu, deste konstituisaun RDTL harii estadu mak halo karidade, laos partidu mak ba halo karidade, maibe Estadu mak ba halo karidade se sira dehan programa partidu nee buat ruma lalos.

Nee tenke hetan sansaun, tanba nee sira neebe kaer ukun tenke kontrola  funsionariu sira, tenik Bianco.

Kordenador FONGTIL, Manuel Simeão dehan akontesementu oknum pesoal Saude naok aimoruk iha HNVG nee presiza investigasaun neebe klean, nunee futuru bainhira pesoal saude sira atu foti aimoruk tenke rejistu. Nunee aimoruk tama mai hira no aimorok sai hira.

Tuir Manuel,  problema sira nee akontese, tanba sistema kontrola iha HNGV laiha, nunee mak akontese oknum pesoal saude sira naok aimorok sira nee, ida nee sorti mak haree, se la haree pesoal saude nee bele kontinua naok nafatin aimoruk iha HNGV. Dalaruma problema hanesan nee akontese bei-beik ona, maibe hanesan naan nee tu iha aikesan nakonu ona make ma foin kaer toman, tenik Manuel.

Nia salenta dalabarak aimoruk iha HNGV laiha, dotor sira fo rezeita haruka pasente sira ba sosa aimoruk iha apotik privadu sira, ida nee ta deskonfia sira halimar iha laran, tanba iha Asean governu TL sosa aimorok barak diak liu.

Maibe dalan barak aimoruk diak iha HNGV laiha nomos iha centru saude sira iha Munisipiu no Postu Administrativa aimoruk laiha, ba iha neebe? afinal problema hanesan nee, komenta Manuel.

Governu ou PN tenke halo lei ida bandu pesoal saude no dotor sira neebe servisu iha governu labele loke klinika privadu hodi faan aimoruk, se lae sira bele naok aimoruk estadu nian hodi ba faan fali iha sira nia klinika.

Tuir Manuel bainhira prosesu imvestigasaun nee hatudu evidensia tenke forti sei  hasai ajente estadu nee husi funsionariu saude no tenke prosesa nia ba tribunal, tanba hahalok nee ladiak. presiza monta cctv iha HNGV nomos governu dekreta lei ida hodi regula funsionariu saude no dotor sira iha HNGV, no iha Sames.

Responde  informasaun nee Vise Ministru Saude, Bonifacio Maukoli dos Reis dehan  agora prosesu imvestigasaun lao hela, nunee iha tempu badak sira sei informa ba publiku, tanba problema nee foin akontese primeiru ves.  Iha tempu liuba lahatenee, maibe prosesu imvestigasaun bele hatete lolos.

 Bonifacio, salenta ho akontesementu nee governu sei hadia sistema kontrola iha HNGV, nunee ba futuru labele akontesetan, durante nee monta hela seguransa, maibe seguransa sira ladun uza oportunidade. Tanba nee ba oin tenke haforsa sistema seguransa neebe regorozu liu-liu kabe ba Diretor exekutivu iha aministrativa no finanseriu, oinsa fo fiar ba sira atu haforsa liutan seguransa iha HNVG, nunee kazu hanesan nee labele akontese tan.

Vise Ministru Saude nee dehan, karik prosesu investigasaun iha evidensia lori pesoal saude nee ba Ministeriu Publiku hodi prosesu nia ba tribunal, hodi foti sansaun neebe regorozu.

 Tuir informasaun neebe STL rekolla katak iha dia (8/11/2019)  iha tuku sia (9), kalan pesoal saude nee lori aimoruk dos ida sai  tula ba nia kareta privadu, nunee iha seguransa Militar balun akompana hela, bainhira seguransa nee husu ba nian senhora aimoruk nee ba neebe, maibe pesoal saude nee bilan tiha, komesa  koalia arbiru tun sae deit, nunee seguransa nee telephone ba RTTL ba halo kobertura,  nunee  iha (18/11/2019) foti tan aimoruk kaixa ida lori sai, ema kaer tan. Augusto da Costa

 

Komentariu

Facebook Comments

Leave a Reply

Your email address will not be published. Required fields are marked *